گلولك نسيتك تعقل شلون

گلولك نسيتك تعقل شلون!
وهذا الگالك كل عقله ناسيك؟!

ولك حته القصايد صارن وياك
أكتب عالعراق وتطلع عليك....

ردت أنساك حته بنومي أرتاح
وأغمض جفني ويمرن طواريك..

وتمر يم باب عيني وتحچي الدموع
وتمر يم باب جرحي وينخبص بيك...

وتخضر تايه بلون المحطات
ويتانيك القطار ومايتانيك..

واشوفك سيف ماتندل الجروح
وتكسر خاطري وبجروحي أدليك.....

أريدك كبر گاعي تخضر جفوف
وكبر غيض الملح تضحك مساحيك

وتخليني أعله بالك حته لو طيف
وآنه عله الجرح من يغفه اخليك....

أنهجم بيتك شگد شايل حضارات!!
حمورابي أنحنه بكبره عله رجليك...

حقه يدوخ بيك ويصفن وياك
سر بعيونك يدوخ اليحاچيك

وتسودن بيك راد يضمك شلون!!
ياقانون يادنيه التكفيك!!..

يضمك بالمسله تشوفك الناس
يطلعك للشمس ويرد يغطيك......

گبل عقّال كلهه الدنيه والناس
بس مريت بيهه تسودنت بيك...

واجتّك كلهه تركض حته الزغار
نار گلوبهم جابتهم عليك

نفط بخدودك وگلب الشعب نار
حقل مجنون وتشب شيطفيك.......

ونخلة برحي طولك والشعر ليل
كلما تغفه يهتز ويوعيك.....

هلال العيد فوگ الحاجب يصير
بس ترفع الگذله نعيد عليك....

وفرات ودجله بعيونك يصلون
حلاه وملوحه ربك كلشي منطيك...

على رصعات خدك ينچفي الماي
وعلى گرمة علي الوادم تتانيك .

[ندعوك للتسجيل في المنتدى أو التعريف بنفسك لمعاينة هذه الصورة]

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

حلووووووو كتييييير يا اخ وليد
شعر شعبي يروق للنفس وممتع وكلام مفهوم
بوركت ياراااااائع

اسعد الله قلوبكم وامتعها بالخير اخت اماره دوماً

أسعدني كثيرا مروركم وتعطيركم هذه الصفحه

وردكم المفعم بالحب والعطاء

دمتم بخيروعافيه

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ياذهب كلاك روعه تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وتخليني أعله بالك حته لو طيف
وآنه عله الجرح من يغفه اخليك....
حلووووووووووووووو جدا

[ندعوك للتسجيل في المنتدى أو التعريف بنفسك لمعاينة هذه الصورة]
أين تتسكع السعادة .!!

» نسيتك اي نسيتك وانتهى الشوك
» ما نسيتك
» ما نسيتك