نسيتك من صدك

موضوع: نسيتك من صدك الثلاثاء يوليو 05, 2011 12:49 am

نسيتك من صدك وبكلبي طيفك مات
وصرت شفة عنب تضحك عله سلالك
ياقمة جبل جنت احلم اوصل ليــك
هسه ابخطوه اشبخك انته وجبالــك
تمثالك حجر بس اعف منــك ذات
دنك خجل منك حته تمثالـــك
كضيت العمر بالضل خايف امن النور
لان تدري احلــى منك بالضوه خيالك
موالك حلوبس شوف غير السان
حريمه اتدوس صوتي خيول موالــك
وبالك اجي ابالك لو امر اعليـــه
لان شفت الحيايه معششه ابالـــك
الصامت يوم خضرت بعمرهه اهلال
وصمتلك جم سنه وما بين اهـــلالك
تمد ايدك بصدري وتاخـــذ الدلال
اكلك رده اليـه اتكلي مو مالك
مراجيحك وهم واعرف حبالك زين
بس اغفل .. تلفها بركبتي احبــالك
جتالك غواك وكلــبك ايسم بيــك
مد ايدك بعبك تلكه جتــالك