احلى الابوذيات

نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
*************
شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه
*************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
***********
ادك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه
************
اولي وماكلتلك ولي ساعـــــــــة
واحن لنار هجرك والساعـــــــــة
اذا لحظات اشوفك وله ساعـــــــة
احس بيك الزمن واكف بديــــــــة
**************
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
***********
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية
***********
يجرحي شكد اشدنك والافلاك
انة ادري بهيمة ومضيع والافلاك
نجوم الليل خل تشهد والافلاك
انة الميت اليمشي اعلة الوطية
*************
الف دنياي كلهة ماتلفني
عنيد وغير شخصك ماتلفني
عمت عين المنايا ماتلفني
الف دنية ومرة تلعب علية
**********
يروحي انتي حياتي وانتي عُمري

وإذا خرب زماني انتي..عَمري

تشع صيتي وكَعت وضاعـ امري

وروحي اليوم وصلت للمنيه
***************
نفضت الثوب لا بين ولا ثار
ولا طلاب اجة اليطلب ولاثار
كَلكَامش نهوا قصتة والاثار
صفت باللوفر أباريس هية
***********
كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
************
حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه
************
بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه

***********
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه

يسلمو ابوذيات روعه

موضوع: رد الإثنين يوليو 19, 2010 8:54 pm

الف تحيه الامير يسلمو كلما ت الابوذيه كلش حلوة
استمر بابداعك

[وحدهم المشرفون لديهم صلاحيات معاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

عشت على هل موضوع

يسلموووووووو على الكلمااااااات الروعه عاشتالاياديالحلوه

يسلموووووووو على الكلمااااااات الروعه عاشتالاياديالحلوه

يسلموووو موضوع رائع انشاء الله دوماا الابداع

تسلم امير عالابوذيه
يسلموو عيناي

[وحدهم المشرفون لديهم صلاحيات معاينة هذه الصورة]
أين تتسكع السعادة .!!

[وحدهم المشرفون لديهم صلاحيات معاينة هذه الصورة] شكــــرا على الموضـــــوع الجميـــــــــل و الروعـــــــــة

عاشــــــــــت الايــــــــــادي يـــــا غاليــــــــن تسلمــــــــــــون
[وحدهم المشرفون لديهم صلاحيات معاينة هذه الصورة]