مرحباً منتدانا الغالي

الادارة المحترمة
المتمثلة بالفنان الرائع زمن علي
مدير منتدى راديو الحرية وجلسة سمر
الانسان الجميل والطيب
اقدم شكري واعتزازي وامتناني لشخصك الكريم
لما تمثلت به من اخلاق عالية وطيبة وأصالة
شكرًا لكل ماقدمتة وتقدمه
تمناتي بالنجاح الدائم

محمد الساهر الشاب المهذب المجتهد في كل شي
تحمل مسؤولية إدارةالمنتدى بكل تفاني واخلاص
شكرًا لك

امارة الطيبةالحنونه الخلوقة الجميلة في كل شكرًا لك

اعضاء منتدانا الغالين وأحلى اصدقائي

حان وقت الرحيل
تقبلو مني أحلى واجمل
التحيات لقد لمست فيكم اروع وأحلى وأوفى الأصدقاء
اتمنى لكم التوفيق في حياتكم والسعاده والهناء
وتحقيق كل امنياتكم

تقبلوا استقالتي
مع جزيل الشكر والتقدير

هديل الحمام

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

ست هديل هاي شنو انتي شمعه المنتدى

ليش يا ست هديل هذه الشي انتي قدوتنا

واميره المنتدى باخلاقها العاليه وبطيبتها

اتمنة نعرف السبب

ست هديل ياريت تتراجعين بقرارج لان انتي مبدعه وما نريد نخسرج

ما اكدر اكول غير كلمة وحده الله يسامح الي جان السبب

لالالالالالالالالالالالالالالالالالالالا ست هديل اخاف منزعجة مني لان رجعت للمنتدى الله يخليج لتلروحين

هاي شنو هدولة
طيب ليش والله انتي نور المنتدى
انتي غالية علينا ومستحيل نقبل تروحين هيج
ياريت توضحين السبب
والكل يقدرك ويحترمك وانتي مميزة باسلوبك ولباقتك
واذا قررتي بشكل نهائي تطلعي من المنتدى راح تنطفي شمعة من شموعه
شمعه حبيناها وتعودنا على اطلالتها بيننا
واكيد مراح ينسى المنتدى واعضاؤه ماقدمتيه
تـــحـيـاتـي الج ياغالية

هاااااي شنو هدووولة

ليش هيجي وين تريدين ترووحين و تعوفينة

مستحيل تعوفين المنتدى

لان انتي شمعة المنتدى

و اذا اكووو احد يزعجج بالمنتدى هو الي يطلع مو انتي

لان انتي كلش محترمة و حبابة

و الكل يحبج و يعزجج

اتمنى نعرررف سبب هذا الشي

و تحياتي الج

هاي شنو ست هديل
مستحيل تعوفين المنتدى الي تعبتي بيه
طيب ليش اتخذتي هذا القرار
انتي قدوتنا وبدونج المنتدى محلووو
احنة نحبج ونحترمج وانتي شمعة منورتنة
اتمنى تفكرين وتتراجعين عن هذا الشي
الف تحية الج

ست هديل تستقيل لالالا

ليش ستي ليش شنو السبب

وين وين رايحه وعايفه اهلج واخوتج وخواتج هنا

وين موانتي الشمعه وربي انتي الشمعه

والكل يحبج ويحترمج ويعزج

ومااعتقد اكو عضو قصرتي ويا بشي

اتمنى تلغين هذا القرار

واتمنى من الاداره ترفض الطلب

تحياتي الج ياورده

لالالالالالالالالالالالالالالالالا مستحيل ليش ضوجتينا والله

شنو السبب الى خلاج تعوفين اهلج هو احد يعوف اهلى

الله يسامحج وان شاء الادارة ترفض طلبج يا احلى ست هديل بل دنيا

ان شاء ما تروحين من عدنا لان المنتدى مو حلو بدونج

لا مستحيل ست هديل تريد تعوفنه والله ما اكلكم شنو الي صار بيه لمن سمعت بلخبر
امنه واختنه وكلشي هيه بلمنتدى تريد تروح اتمنى يا ستي الغاليه تتراجعين عن قرارج
والي كان السبب ربي ينتقم منه
تره نسوي اضراب عن المنتدى وراح تصير صفحاته سوده بلياج تحياتي

هديل الحمام
اتنى تتراجعين بقرارج
وما اعرف السبب الي خلاج تتخذين هذا القرار
ولكن اعتقد ان السبب ما بينها وبين الاداره
لانه لم ياتي احد من الاداره ويوضح السبب
واعتقد انه حتى لو كان السبب كبير
يجب ان تتلافو
لانه مراح يجي عضو او عضوه بلباقت هديل واخلاصه ومجهودها
دائما متواجده واسلوبها جميل
اعتقد حنخسر جز كبير من المنتدى والدعم مالته
وخاصه اجه موسم العام الدراسي
ودي للجميع

لالالالالالالالا
شنو هذا الكلام هدولة
والله قهرتيني ليش هيج هدولة مو انتي الي منورة المنتدى
ليش هديل شنو الصار ليش قررتي هيج قرار والله قهرتيني اتمنى اتراجعين نفسج
وتفكرين قبل متعوين المنتدى لان الكل يحبج هنا ومحد يتمنى تروحين
فكري هدولة زين بقرارج هذا واتمنى لو تاخذين اجازة ترتاحين بيه
وبعدين رجعي هذا مو كلامج هدولة
والله يعز علينا فراقج ياختنا الغالية وصديقتنة العزيزة
Sad

[ندعوك للتسجيل في المنتدى أو التعريف بنفسك لمعاينة هذا الرابط]

قدوتنا الرائعة والجميلة بخلقها واخلاقها
واعتبرك كالجبل الشامخ مستحيل ينهار لو تعرض لأكبر عاصفة
ومنك نتعلم ونستفاد ياصاحبة الشخصية القويه .... ومستحيل يهون عليك
فراق بيتك اللي هو منتداك وعائلتك وخاصة الطيب القلب الجميل الراقي الاستاذ زمن علي
معلش خذي اجازه مسموح لك حبيبتي اما طلبك بالأستقاله مرفوض مرفوض مرفوض
كيف يهون عليك فراق اخوتك واخواتك اللي هم أعزاز على قلبك .... طيب ارتاحي واحنا في أنتظارك
دمتي طيبه وسالمة

يامن يعـــز علينا أن نفارقكم وجداننا كل شيء بعدكم عدم

بصراحه متفاجئ من القرار وماكان بلحسبان

هديل الحمام ركن من أركان المنتدى

أتمنى ترجعين للمنتدى ولو منعرف اسباب الاستقاله

تحياتي الك هديل الحمام

ست اماااارة فرحتيني كللللللش

اي ست هديل اخذي اجازة وارتاحي بيهة

وننتظر رجعتج

بس بليز شيلي فكرة الاستقالة

ورجعي

لالالالالالالالالالالالالالالالا شنو هذا الخبر مستحيل تستقيلين ست هديل

والله لا اعرف ماذا اقول بحقك واتمنى ان تاخذي اجازه لفتره زمنيه وترجعي لنا

لانكي مبدعه بمعنى الكلمه وانا احبك كثيراااا لشخصيتك التي جذبت انتباه الكل وتعلمت منكي الكثير الكثير رغم اني لم اتكلم معك ولا لمره واحده

مهما قلنا فهو قليل بحقك

ياااااااااااااااااارب تبقين ان شاء الله

تحياتي لكي وللست اماره ولين وهنوده ولكل اعضاء المنتدى

لالالالالالالالالالالالالالالالالالالالا

ست هديل

هدوولة شنو القصة حياااااااااااااتي

ليش

ليش حتروحين

عمري

وربي كلش نصدمت من هالشي

شكوووووووووووووووووو

اهئ

تحياتي الى جميع الاعضاء
وخااااااااصتا الادارية
هديل الحمام
بس عندي سؤال واتمنى الكل يجاوبني علي
ليش الي سوة المشكلة وتسبب بجرح انسانة غالية علينا كلنا
وهي انسانة روعة وتستحق كل الحب والاحترام وياما سهرت وتعبت وساعدت وبالاخير هي تطلع
والمذنب موجود ؟؟؟؟؟؟؟؟؟؟
ليـــــــــــــــش شنو السبب
وليش الحد هسة متعاقب شنو السبب وماعتقد هديل جانت تسكت على شخص يسبب
اباذيت اي احد من الاعضاء رئسا تعاقبة
وهسة هي بالمشكلة ليش محد عاقبة شنو السبب
تحياااتي

[ندعوك للتسجيل في المنتدى أو التعريف بنفسك لمعاينة هذا الرابط]

لالالالالالالالالالالالالالالالايبووهدوله وين رايحه لابربج
لتشاقين رجعي يمعوده والله مخوش خبروالقران كلش ظايجين
احناهديل بربج اتعوفين المنتدى من وره شخص وتعوفينه كلنه
شلع زين ليش هنه عليج هيجي اذاالنه خاطرواستاذزمن الى خاطررجعي
محديسوى والله هدوله محدحرامات تعبج يروح هذاالي اتعلمنارجعي ومعليج
بكلشي كلهااتريدج وتحبج هدوله ممقبوله ابداجازتج ابدمهماصارتحياتي الج
الحاظره الغائبه
كلامج كله صح لين شنوالسبب محدديعرف هاي لان رادة حقها
بس هديل لازم ترجع والمذنب هواليطلع واحنه لازم نسوي شي ونرجعهالين
ومنسكت

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

تحياتي لكل اعضاء المنتدى الغالين
وتحية والف تحية وكل كلام الود والامتنان والطيبة والكرم للغالية الطيبة صاحبت احلى روح واحلى كلام
غاليتنة العزيزة هديل
هديل اني كلمتين اكولهن لج ومحاجة اكولج اي شي لان انتي غنيى على التعريف

اكولج يا عيوني
انو لو تنطينة الف مليون مبرر
لسبب انسحابج من المنتدى فمراح اقبل بي
تبقين متواصلة ويانة بعطائج بحبج بحرصج
وهاي الكلام اكولة واكولة نيابتن على كل الموجودين واعرف هذة الكلام ينبع من قلبهم حتة لو مردو
تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

عاشت ايدك حمودي ياورد
واني ايدك ع الكلام هذا
وهدولة تستاهل الاكثر لان انسانة روعة
والف ومليون تحية الى احلى اداري
محمد الساهر
والادارية المميزة
هديل الحمام
تحياتي

[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم ورحمه الله وبركاته

اما حصل اليوم من الاخت الغاليه هديل الحمام بتخذ
هذا القرار كان صائب
جدااا

الن الحد الان لم تتخذ الاداره قرار بحق المذنب
الماذا الماذا الماذا
الماذا هذا التهوان في الموضوع هل كرامت العضو
المميز لا اهميه عندكم الكل يعلم وبدون استثنا
اما حصل من العضو سليل الرياللي هو اساه بحق
العضوه المميز والمبدعه والاخت الرائعه هديل الحمام
ويوجد في منتدانا كثير من اعضاء مميزون و مبدعون
وينطلق عليهم شمعات المنتدى و الاخت هذيل الحمام احد الشمعات
وبهذا التهوان سوفه تنطفي شمعه بعد شمعه ويضلم
منتدانا ويكون به النور خافت
كلنا نعلم ما كانت تقدمهو الاخت هديل من تعب في
هذا البيت الجميل
اخواني و اخواتي الكرام
عندي ثلاث طلبات
الاول من الاخت هديل الحمام هو التراجع في القرار
ويعتبر هي في اجازه
والثاني من الاداره المحترمه بتخاذ القرار بحق
المذنب سليل الرياللي
والثالث من اعضاء المنتدى الكرام بتمسك بلطلبات
وشكرااا لكم
اخوكم وليد الشاعر

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

لالالالا ست هديل كلنة نحبج ونريدج وانتي شمعة المنتدى وماكو مثلج بطيبتج واخلاقج منكدر علة فرااااقج والله واتمنة تغيرين رئيج السوة المشكلة انحظر من المنتدى وخلصنة من مشاكلة وهو كرار ويارب نرجع مثل قبل وكلشي ماكو الف تحية الج

السلام عليكم

تحياتي للاخت الرائعه والمميزه والمحبوبه من الجميع هديل الحمام

يؤلمنا جميعا انسحابك وطلب الاستقاله من المنتدى لاننا وبكل فخر وفضل من الله اصبحنا عائله واحده ومن الصعب على العائله ان تفقد اخ او اخت او ابن نحنو تعارفنا عن طريق النت وبفضل الله وبفضل هذا المنتدى اصبحنا وكاننا اخوان الواحد يشكو همه للاخر

جميعنا نفرح لفرح احد الاعضاء سواء كانت خطبه او زواج او نجاح او عيد ميلاد

وتحصل مشاكل كثيره في المنتدى منها مقصوده ومنها غير مقصود وانتي تعلمي الكثير من الاعضاء قد قامو بتاسيس منتديات وجميعها فشلت الى منتدى احباب الحريه ولهذا السبب كثير من اصحاب النفوس الضعيفه يحاولون العبث من اجل الحصول على غايتهم وهي محاوله ابتزاز الاداره او تلفيق الكلام والنفاق بين الاعضاء

وانتي كبيره في عقلك ولا تؤثر عليكي هكذا محاولات فاشله حتى وان كان سليل او كرار او فلان من الناس حبك لهذا المنتدى اكبر بكثير والجميع يشهد لكي بلمجهود والحرص وسهر اليالي من اجل الحفاض على هذا البيت

رجاء ست هديل وانا اول مره اطلب منكي هذا الطلب هوه العوده والعدول عن طلب الاستقاله لاننا فعلا والله نحزن كثيرا اذا ابتعدتي عنا

فعلا نحس وكاننا افتقدنا اختنا الغاليه

اكون شاكرا لو عدتي اليناااااا

وباسرع وقت

اخوكي سجاد العراقي
ا

[ندعوك للتسجيل في المنتدى أو التعريف بنفسك لمعاينة هذا الرابط]

هاي منو الي نور المنتدى
هدولة كلوووووش
الف تحية الج حبي هدولة ونورتي من جديد وبدونج كلشي ميسوة
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

بصراحة أعجز عن الرد
تحية لكم أحباب المنتدى اعز وأغلى أصدقائي
ردودكم شرفتني واسعدتني واعرف بانكم اوفي واغلى ناس
شكرًا لمشاعركم النبيلة الأصيلة الطيبة
وان شاء الله يكون المنتدى في سلام دائم
تقبلوا مني كل الود والاحترام

تم الغلق

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها