الفرق بين زوجات زمان وهلأ ,

الفرق بين زوجات زمان وهلأ ,

بين الأمس,,,,,,,,, واليوم

إليكم هذا الحوار بين(إمرأة أيام زمان وزوجها)

الزوج: - مرحبا يامرة… شو عاملتينا عشا اليوم؟

الزوجة:
- يه يه يه… تقبر عضامي… إجيت حبيبي؟!! تقبرني شو حركتك خفيفة ومابتزعج
حدا… لك حلّت البركة على أرض الديار يا روحي… طابختلك ويالنجي وكبة لبنية
تقبشني…

الزوج: - يا الله يالله بلا كتر غلبة قومي حطي الأكل قومي..

الزوجة: - لك إي مو تكرم ابن عمي… مو تكرم… لك من هالعين هي قبل هي…

الزوج: - ناموا الولاد؟

الزوجة من المطبخ: - ناموا حبيبي ناموا على عشية وحميتلّك الحمام يا عمري…

الزوج بعد أن يرى أصناف المائدة أمامه: إيييييييييييييييييييييييه.. باين السهرة رح تحلى اليوم…

يمضغ اللقمة الأولى ويقول: - ممممممممممممم طيبة هالكبة طيبة!!!

الزوجة رافعة يدييها للسماء: - لك روح… ربي مولايي يبيضلك أيامك… ويبعد عنك ولادين الحرام يا حق..

ينهي الزوج طعامه قائلا: - الحمد لله…

الزوجة: - عجبك الأكل يا عمري…

الزوج: - إي والله… تسلم إيديكي… تعبتك معي..

الزوجة
مرتبكة من الفرح: - عجبك الأكل؟؟!… لك تطلع على قبري شو إنّك هني وبتعرف
تحكي… لك تكفنّي بإيديك على هالكلام الحلو يا حق.. بكرة بدي أعملّك محشي
وبطاطا بالفرن إي بدك تاكل أصابيعك وراهن… بعدين شو تعبتني وما تعبتني؟!…
ليش أنا عندي غيرك بالدنيا يا حبيبي؟!! لك تشكل آسي ياحق…

الزوج وهو ينشّف يديه بعد غسلها: - جاهز الحمام يا مرة ؟؟

الزوجة بخجل… وبابتسامتها الحلوة : - ولو تقبشني… ولو!!! وحطيطيلك صابونة غار من يللي جابتهم أمك تقبرني..

وإليكم هذا الحوار بين (إمرأة اليوم وزوجها)

الزوج: - مرحبا يا حلوة… شو عاملتينا عشا اليوم؟

الزوجة
متلقحة على الكنبة وبيدها جريدة: - شو إيمتى جيت؟؟ مبكّر مو على عادتك
يعني… على كل عملتلك مجدرة برغل وعدس… شو بدي أطبخلك يعني؟! مو مبارح أكلت
لحمة بالصينية؟؟…

الزوج: - يا الله تقبشيني قومي حطيلنا الأكل لناكل..

الزوجة: - ليكو الأكل عندك بالمطبخ… وين بدو يروح يعني؟؟!! كمان بدي جبلك الأكل لحد عندك؟!

الزوج باتجاهه إلى المطبخ: - ناموا الولاد على حد علمك؟

الزوجة: إي شو نيّمهم هلق وبكرة عندهم عطلة؟؟؟ …

الزوج يحدث نفسه من المطبخ: العمى شو هالمجدرة؟؟!!!!!…

يمضغ اللقمة الأولى ويقول: - إي والله كأني عم آكل بحص مو برغل!!!

الزوجة : - شو عم تبروت يا رجال؟؟

ينهي الزوج طعامه قائلا: آ…؟؟ مو شي حبيبتي… موشي…

الزوجة: - عجبك الأكل؟

الزوج بإحباط: - إي طبعا طبعا… تسلم إيديكي…

الزوجة بتأفف: - معناها كل يوم بعملك منها إذا حبيت…

الزوج وهو ينشّف يديه: جاهز الحمام يا ترى؟؟

الزوجة
ترمي الجريدة أرضا صارخة في وجهه: - العمى على هالقصة… طبخت يامرة؟… ناموا
الولاد يامرة؟…جاهز الحمام يا مرة؟… إي شو أنا ما عندي شغل غيرك؟؟؟ ...

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

شكرا وليد على موضوع الجميل
دوووووووم الابدع الدام
تحياتي

يسلموووووووووووووووووو
اخي ضيـــــــــــــــــــــــــــــــــف

[ندعوك للتسجيل في المنتدى أو التعريف بنفسك لمعاينة هذه الصورة]

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

شكرااااااااااااااااااااا
اخي عصـــــــــــام

[ندعوك للتسجيل في المنتدى أو التعريف بنفسك لمعاينة هذه الصورة]

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

يسسلموا وليد موضوووع مميز
تحياتي الك

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

شكراااااااااااااااا
اخي وحبيبي
سليل الرياللي
[ندعوك للتسجيل في المنتدى أو التعريف بنفسك لمعاينة هذه الصورة]

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

هههههههه يسلمو وليد ع الموضوع

------------------------

ينقل للقسم المناسب

أهلن ياوليد
موضوع رائع كروعتك خيووو
يستحق رفعة ضمن المواضيع المميزة
تقبل مني خالص التحايا

هههههه تحياتي لك وليد الغالي موضوع كولش حل خفة دمك روعه

حلوووووووووووووووووو

هههههههههههههههههههههههههه حل حل حل يسلموووووووووووو خيو وليد

ههههههههه
حلو الفرق وواضح

تسلم وليد

حلوة وردة اختيار جميل
تحياتي