ابوذيات اكثر من خراااافية

امك تنعة وانة انعة نعي امتين(امهات ثنين)
وجيتك نعمة والضحكة نعمتين
شفافك تين لدكلي نعم تين
اخاف دكول ويموعن خطية

عدل صوبك جدامي جر عدلك(مشالك عدل)
وادليك بحجي المر جرعدلك(شربة بدولكة)
اثكل كافي بسك جر عدل لك(امشي عدل)
ازعلت؟لتجر عدل حقك علية

اليحبك يا ترف من صدك حبلة
و وصلة وياك ما ينكطع حبلة
احبك وانت انمك بيك حبلة
وحجزتك كبل لا تنخطب هية

قضية اسمك على اسمك ما شخطنة
ازدحام احنة اعلى دربك ماشي خطنة
شتظن من كد حلاتك ما شخطنة
اليشوفك نشخط مية بالمية

الوجود شفرقة كلي من عدمنة(نفس الشي)
وشمل منع التجول منع دمنة (منع للدوم)
وتدري ليش احنة منعدمنة(؟؟؟؟؟؟؟؟؟؟؟)
لان موتة نولدة اعلى الوطية

اشفنة من عمرنة شفتهمنة
وهمنة كبال عينك شفتة همنة
ذبحنة وفوك ذبحة شوف تهمنة
يكلهم بالذبح تعبولي ادية

اشم ريحة عطر خدج وشالج(الحجاب)
واحطج فوك دلالي واشالج (واشيلج)
قدر مكتوب من ربج وشالج(وشاء الله لج)
يبعدج عني ويرجعج علية

قدر مكتوب حبك من تقسمة
الواحد مالة ناتج من تقسمة
اخلي الكلب بيدك وانت قسمة
واشوف شكد الك وشكد الية

الاجة منك ولا حس
ولا كلبك نشد عني ولاحس
اجر حسرات من تبعد ولاحس
رات تبعدكم علية

خلصن شوفهن ركزن ذنباك(ذن بيك)
واذني حجايا اللوم ذنباك
كالو لا تشبكة يزيد ذنباك(ذنبك)
كلت غير الذنب لايك علية

افتك من هواك شلون شفتك (شيخلصني)
تتمشة وية غيري اليوم شفتك(بعيني)
وشف شفتة قريبة تلوح شفتك
واخذ منك حلك واصار بية

عيوني غوشن ما اشوف قفلن(ماشوف)
وبس اعليك كلبي انقفل قفلن(قفلين)
تريد تروح قف لتروح قف لن
شكل للناس قد راح من ادية

البوذية بس الك وحدك نصبهة
ومحاجيك عسل عالمر نصبهة
الكلب جم سيطرة بروحي نصبهة
غيرك ما يمر لو مو هوية

التحبة العين روحي تريد وصلة
ولا انشد عمامة منين واصلة
اخذ كلبي بلهيب الشوك واصلة(واصلي)
ويعوضونك هلي لو علت بية

جفك لا يمسني مستحيلة(مستة حيلة)
وانة المايستحيلي مستحيلة(ما استحيلة)
عشرتي وياك صارت مستحيلة
وانة المنون اذا تكطع الجية

محبتك كهربتني شارة بيهة(شرارة بيهة)
وحجة كلبي وية عقلي شارة بيهة(شاورة)
محبتك جنهة سييد شارة بيهة(تشور محبتك)
اعلى غيرك باوعت شورت بية

افتحت صدري بسهامة من رماني
وشفتة وكلت مدري من رماني
بفيي وكعد ياكل من رمماني
ويحس للشتة جم غصن لية

امر بالدار واسمع حنة بيهة
ضلوعي من جفاكم حنة بيهة
حسب ضنك جفوفي حنة بيهة
مسحت الدمع دم واثر بدية

شوصف شعرة من خدة من العين
جمالة دكول جن حور من العين
سألتة منين كلالي من العين
مقيم واهلي من الناصرية
_______________________
اتمنى ان تنال اعجابكم واقفل الابوذيات بذكر امير المؤمنين(عليه افضل الصلاة والسلام)

علي للشيعة باب النار صكة
وصكة موقع ومختوم صكة
كلمن يكره الكرار صكة
بدماغة وفتوتة ذبهة عليه

_______________

[وحدهم المشرفون لديهم صلاحيات معاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

يسلموو عيني ع الموضوع الاكثر من جميل
اتمنى لك دوام الابداع والتقدم
تحيتي وودي

للارشيف