تسالمن عليه؟

موضوع: تسالمن عليه؟ الأحد أغسطس 29, 2010 8:09 pm

تسالمن عليه او وين تلكاني ....انه بدمع عينك صار عنواني
بعد دمي على جفك وانت بسمه تهون ...زوسيفك بعدهن وصل شرياني
اخذت حجايتك عن مثل (ريح وباب)....ومن ذاك الوكت سديت بيباني
انه زعلان بس مو مثل حزني الراح
مااقبل بعد ينكسر حلفاني
زرعتك بيدي صح ...حد ماصرت بستان ....بس هسه انتهينا وجنت بستاني
انه السورت روحي بكبر سور الصين....مو طابوك جرحك حجر بنياني
شرد اكلك ؟؟؟
تريد احجيلك شسويت؟
بيدك شكشكتني وك شلون تقراني
انه بصوتي المايعجبك شوق
ومن ونيتلك بجيت حته جيراني
انه الشجره العفتها بوكت شح الماي
وجفوف الغرب كسرت عوداني
سقف روحك جنت ...فيك بصدري يصير
بردت روحك وذبيت عمداني
بعد مااحب ورد مزروع ....يذبل خاف وينقطع ممكن بيد عدواني
صح الورد الصناعي من ورد مصنوع
بس
بس سهله منعوفه ....وسهله ينساني
انه ميت
انه ميت....قبل لاموت مثل الناس
بس احفظ اسراري الوكت خلاني
متت موتت شعر عد شاعر اخرس صار
لا يقراني غيره ولا هو يقراني
انه تمثال هم تنمحي بظلمه نجوم
اني نحات جرحي وصرح سواني
بس تدري شنو؟؟؟
ربك ماقطع...وكفت جروحي وياي
انعه جروحي مره ومره تنعاني
انه شاعر ..لكن عليل شفتها وياك
كمت اضحك بصوت بوجه ديواني
اني مملكتي كاغد واعتزلته التاج
من كامت عليه توصل فرساني
انه عدد ايام الباقيات وياي
ومنيشن مكاني ...ومجهز دفاني
يكون المثلي هسه يشوف حاله شصار
مو كاعد اكتبلك شعر وجداني .