من عفتني بلا وداع

من عفتني
من عفتني بلا وداع ...هاجرت كل النوارس ..
من شواطي أحلامي... وأحلامك ..
ومن عفتني بلا وداع...
زاعلت كلشي بحلاتك ..
حتى لاترجع واعذرك..
وحتى هلبت عيني دمعة تصير ..
وامسحها برمح لمن تذكرك..
من قبل مرسومة بسنيني الخسارة..
وانت مو أول حلم لو طيف اخسرك..
قبل لا شوقك يهزني .. وقبل لا يخضر صفارك..
وتلتهي شفافي وتذوب بعسل تمرك..
وقبل لا ليلك يلمني وتسهر جفوفي ..
وتنام بحضن شعرك..
وقبل لاينشتل عودك ..وتكبر اسرار العشق..
وتخضر الجنة على صدرك..
وقبل لا ثغري يتوضة بماي زيجك..
وبالهوه يصليك ويطوف على ثغرك..
وقبل لا ريح السهاره تلاوي عينك..
وتسكر بكاس الملامة وتشتهيني..
وننجمع ويطول عذرك..
يا **ر خاطر حياتي ..
الماجبرني وما قدرت بيوم اجبرك..
يا لغز كلش كبير وحله عندي ..
وما عرفت شلون افسرك..
شرد اقلك وآنه رديت بجرح من ذكرياتك..
وما يطيب وينلجم كلما يذكرك..
شرد اقلك من عفتني بلا وداع..
تقبلوا تحياتي حبايبي..........................