شعر مال واحد صايم اسمه ((حسنه ام البن صارت سياسيه))

شونكم عمي
طبعن اعيوني امغوشه وتوم وجيري يتعاركون ابدماعي فملعوب بيه طوبه
والعطش وجوع سالفه
والبارحه ما مسحر خلوها سكته
رحت اجيب لبن من وحدة اتبصط يمنه بركن
اسمها حسنه
شو واكف اني وهاي تحجي بسياسه
وتعرفون اخريبط صفنت عليها انعجبت ابحجيه هع وكتبت هاي القصيدة بيها

وطوني رئيكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــ

عدنه شلون دولة وبيها حرية

حسنة ام اللبن صارت سياسية
حسنة شلون لعبت بالخلك طوبة
راحت للسياسة وعافت الروبة
الفضائيات كلها عليها مكلوبه
وامريكة ياربي بيها مسبية
حسنة ام اللبن صارت سياسية

حسنة لفلفت كلشي بعبايتها
وسبعة الاف من تمشي حمايتها
بسوك العالم مشكله وزارتها
وحكومتها حكومة محوة اميه
حسنة ام اللبن صارت سياسية

طلابتنا جبيره وحسنة حبابة
وبوش يكول هي تحل الطلابة
حسنة للحكم صعدت بدبابة
وكامت ترسملنه خطط امنية
حسنة ام اللبن صارت سياسية

ياناس على حسنة بعد مانعتب
لان مكروده لا تقره ولا تكتب
ملتهيه تفرهد بينا وتسلب
وحصتها بنفطنا الف بالميه
حسنة ام اللبن صارت سياسية

ماندري ويا حسنة شلون تاليها
ياناس وتعبنا من بلاويها
لان دولتها حاميها حراميها
حظنا الوكعانا بحلك واوية
حسنة ام اللبن صارت سياسية

كالوا حسنه راح تعالج الاحباط
وتذب شيلة فكرها وترد تلبس قاط
وتاسس حكومة كلها تكنوقراط
وتعالج بناء البنى التحتية
حسنة ام اللبن صارت سياسية

لبست قاطها وتسودنت حسنة
وردت تزمخ علينا وتفارسنا
درجعي للبن مو خرب واهسنا
عساها بخت من سواج حزبية
حسنة ام اللبن صارت سياسية

سودة بوجه حسنة ام اللبن صارت سياسية

ههههههههههههههههههههههههههههههههههههههههه
حسن هاي عليمن القصديه
اتخنبل هاي اتخنبل
يسلمو عاشت اييدك

ههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههههههه
صدك تخنبل ه
ههههههههههههههههههههه
هههههههههههههههههههههههههههههههههههههه شكرا حسوني خلي اضحك بعد
ههههههههههههههههههههههههههههههههه
هههههههههههههههههههههههههه

[وحدهم المشرفون لديهم صلاحيات معاينة هذه الصورة]
فيفا حسنه ام اللبن

شكرا يا غالين منورين الموضوع تحياتي الكم

» حسنيه ام البن صارت سياسيه
» صـــوري بس فوتو واحد واحد لتسوون ازدحام
» كلمات رومانسية من رجل الى امراة دخلو بلة ازدحام واحد واحد هههههههههههههههههههه