تحشيش عالولد يبوووووووو كول سوالفهم التعبانه هع (تمـــــــــــاسيح تعـــــــــــالوا

[طبعا الحجي على الولد الي عمرهم من 13 سنه وفوك بشويه يعني مراهقين و اصمله عالشباب (يعني الحدايق)
كله قاط وحذاء ابو البوز علساس عمره مادري اشكد
لا واهم شي المحبس بلاصبع القبل الاخير (انتيكه)
وشنو من نوع صاير اسووووود ويكولج فضه اصلي
هاي اذا مكلج ذهب ابيض(خخخخ و نسيتي المناظر الشمسيه من هاي البلاستيك السحب ام ال 1000 دينار من الشورجه و حاسب نفسه العميل 007 هع هع)


- ما احجيلج البنطرون لي وين امصعده عبالك ابلوز ابو الركبه(لا و هنا تعلموا غير موده متعرفيهه يمكن هسه كاموا يسحسلون بناطيرهم على اساس همه يعني موده و طاكين خخخخ هو ماخذله بنطرون فد 4 قياسات اكبر منه و مكصره و كله ya man و peace خخخخ على اساس هو فيووووك هع هع)

- من ناحية الشعر فيوكف كدام المرايه نص ساعه ديصفط ابشعره
ويجيب ويلزك بيه بالجل وطبعا كله فارك شعره من النص هع(اي اي هذا الشعر مغامرات كتاب كامل يرادله يمعوده من العجايب و المصايب الي ديسووهه بروحهم خخخخخخ لو فاركه بالنص لو موكفه جنه قنفذ متر شعر فوك راسه خطيه هو تعبان و يلزك بي ساعه و تالي احنه ننصب علي خخخخخخخ)

- اول ميطلع ايخابر صديقه ابشرفك دك عليه دا احجي وياك بشغله مهمه
(هوه ماعنده شي بس ديشوف الناس عده موبايل وهاي الشغلات)(وهاي اذا الموبايل مالته اذا مو طلع مال ابو لو مداينه ديفيك بي و هو بالاصل عنده طابوكه مو هاهاهاها الضحكه الشريره)
واذا كلش كلش مكدر صديقه ايدك عليه
ايكوم ايسوي نفسه ديحجي وهوه التليفون مسدود
ماكو احد عالخط
طبعا هذا موقف صار كدامي
خطيه ولد ديجذب فعساس ديحجي ويا صديقه وايكوله لا يمعود
اني كرهتها دا اكولك كرهتها بعد ما اكدر اباوع بوجها هاي الخاينه الحقيره
اشكد جنت احبها هيج اتسوي بيه وبنص الحجي وطب ويدكلج الموبايل مالته (خخخ طبعا اني هم صارت كدامي مره و من صدك يرادله صوره للولد الي صار بي هالموقف نيااااا)هههههههه ويصير وجه لون بنزركي وشيكول (هاي منو امسوي الخدمه مال مسج اتدك من اني احجي بالتليفون ) هههههه عود ديبرر موقفه الشنيع جداااااااا كلششش فرد نووووب
- طبعا كله اول ميحجي وياج كله اني من جنت باستراليا تعلمت عالكيتار بس ضليت اشويه ادك عليه بعدين نسيته لان رحنه الهولندا واهناك التهيت بالرياضه والطوبه وماعرف شنو (هذا الحجي هوه بغداد مطالع منها ) لو رايح للموصل واربيل لو مرايح ههههههههههه(خخخخ اي هاي عادي هو للحدود مواصل بس مره ديجي للاردن و مفوتوا و تالي يكولج مبقه من القارات السبعه قاره مرايحلهه لعد شبيك يا حظي بالعراق يكولج هذا بلدي ماكدر على فراكه خخخ دخلي يولن )

- ومن يحجي كله هذاك اليوم الاستاذ لكفني دا اغش بسماعه
مال ابلوتوث ( عود هوه لوتي ) جان هستوه يجي عليه
فرأساً طلعتله 100 دولار فجان ياخذها ويسكت
(هذا الحجي هو حديقه و فلوس فلافل ما عنده)(خخخخ لا و الاحلى تدرين شنو pink من يكولج اني مصروفي الاسبوعي 500 دولار لان بابا مدللني خخخ و هو يا حرام ياخذ باليوم 500 دينار و من تخلص و يطلب من ابو هذا الي الله كتبه علي و فلوس كارت الموبايل هاي تواسيل من الماما خخخخ و الله ختيه دقيقه خلي انشف دموعي من صدك قهرني نياااااااااااااا)




- لا وايميله شنو THE PRINCE
- THE KING
- THE RAPPER
- وكله ايكولج اني مو تبيعي بالانكليزي اخبل
- حته اشتغلت مترجم مال امريكان (نياله لابوك)(اي لا و كله هو على اساس شايف روحه و ميحجي ويه بنات ويكولهه للمكروده المضروبه على راسهه انتي الوحيده الي دخلتي مزاجي اوووي عيني عود يعني محملهه منيه ديحجي وياهه عطوفته و هو خطيه مملكي بس هاي الثوله و هم مبقالهه شي و تطفر و تعوفه و يرجع حديقه كما كان خخخخخخخخخخخخخخخخخخ)


- وكله امسمي البلوتوث العاشق الولهان لو اسمه وبصفه الرقم (بلكي فد وحده ثوله ادك عليه ) يعني عثره بدفره(اي ختيه بلكي صارله اكثر من شهر حديقه بلكي ادعيله الله يدزله فد وحده حديقه مثله خخخخ)

- أي ويكولج اني الوحيد الاهلي وبابا شأطلب منه يقبل(طبعا هوه الوسطاني المكفخه 24 ساعه)(ههههه لا ويكولج اني مدلل و ما سوي شي بالبيت و يطلع تالي امه كل يوم تدزه يجيبلهه صمون و مسواك من ابو علي البكال و ابو يكوله اشتريلي جكاير من كاظم ابو الجمبر و اخو الجبير يكوله اغسلي السياره اووووي صدك خطيه انقهرت و الله حتى عيوني دمعت سوده عليك يمه خخخخخخخخ)


- طبعا هاي نصيحه ختاميه اذا اجاج و احد حديقه و تريدين تطفري بس كوليله الجمله الذهبيه عفيه دزلي رصيد يبووووووو ايروووح ميرجع والله و تكتشفين انو الحجي ذاك كله بس نفخ خخخخخ و هو ماكو شي



- اتمنى محد يزعل بس حبيت احشش عليكم مو بس انتوا تحششون علينه خخخخ كلنه اخوان و اصدقاء خخخخ بس مزقناكم اعترفوا و الاحداث كلهه حقيقه و شايفيه بعينه المجرده و موثقه بتجارب علميه و عمليه عاااااااااا صرت مدرسه احياء هع هع يلله ننتظر ردودكم مو تفوتون بس تقرون و تفلتون دافعوا عن نفسكم هي هاي الحريه نياااااااااااهااااااااااا