شرح الكليه

موضوع: شرح الكليه الجمعة يوليو 16, 2010 7:41 pm

ازاي الكلية ممكن تعمل Vasoconstriction , Vasodilatation ؟

الكلية اليسرى أعلى من الكلية اليمنى ؟

الأنيميا .... ممكن يكون سببها الكلى ؟

نبدأ في موضوع اليوم , وياريت تسامحوني لو الكلام مش مرتب أو منظم .. ولو فيه اعتراض في اي نقطة ياريت تقولوها ...

الكلية من الداخل

تتكون الكلى من وحدات وظيفية تسمى ( النفرون ) Nephrons, وكل كليه فيها حوالي مليون نفرون , وهنشرح شكل النفرون بالتفصيل بعد شوية إن شاء الله

تتكون الكلية من جزئين أساسيين

[ندعوك للتسجيل في المنتدى أو التعريف بنفسك لمعاينة هذه الصورة]

القشرة Cortex

بعد كده منطقة الـ medulla ودي بتحتوي على 18 منطقة شكلها مخروطي اسمها Renal Pyramids

يعني زي الأهرامات كده , والقاعدة بتاعتها ناحية القشرة ( لاحظ الصورة )

نهاية كل هرم منهم متصل بـ Renal Papilla ودي بتفتح في منطقة واحدة اسمها Renal Pelvis( حوض الكلية ) ودي بيتجمع فيها البول علشان ينزل بعد كده على الحالب

نرجع للنفرون

قلنا ان الكلية فيها حوالي 1,000,000 نفرون , يعني الكلية عبارة عن نفرونات ودي اللي بتقوم بوظيفتها

لو كبرنا شكل النفرون هنلاقي ايه ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

بداية هنتكلم عن الدورة الدموية في الكلية بتحصل ازاي

في الأول هنقول ان الكلية بيدخلها شريان كبير اسمه الشريان الكلوي Renal Artery ( وده بيتفرع من الشريان الأبهر ( الأورطى ) في البطن Aorta Abdominal ) والشريان ده بيتفرع داخل الكلية لشرايين اصغر اسمها الشرايين الواردة Afferent Arteriole و تتفرع لش.........ات دموية وتتجمع وتكون حاجة اسمها

glomerulus وبعد كده الش.........ات دي بتتحد مرة تانية وتكون الشريان الصادر Efferent Arteriole وتتجمع الشرايين الصادرة لتكون الوريد الكلوي اللي بيخرج من الكلية ويصب في الويد الأجوف السفلي Inferior Vena Cava في البطن ومنه الى القلب

الـ glomerulus دي بتحيطها مجموعة من الخلايا اسمها كبسولة بومان Bowman Capsule

ويتفرع من كبسولة بومان دي انبوبة اسمها Proximal Convuluated Tubule

وProximal يعني قريب من كبسولة بومان

ومتصل بها حاجة اسمها Loop of Henel أو عروة هنلي ودي عبارة عن انبوبة ضيقة عن الـ Proximal

وجزء منها نازل وجزء منها صاعد

في آخر الجزء الصاعد هنلاقي الـ Distal Convuluated Tubule ودي البعيدة عن كبسولة بومان

والانابيب اللي فاتت بتكون محاطة بأوعية دموية , وهنعرف ليه ...

بعد كده بتصب في انبوبة اسمها Collecting tube ودي الانبوبة اللي بيتجمع فيها البول ودي متصل بيها أكتر من نفرون وتتجمع الأنابيب دي وتكون Renal Papilla اللي جبنا سيرتها قبل كده

ندخل على المهم ... ايه فايدة كل جزء ووظيفته هنا ؟

لازم ناخد بالنا ان المواد اللي هتوصل لـ Collecting duct هي اللي هتنزل في البول

ايه اللي بيعمله النفرون ؟؟؟

النفرون بيشتغل بالطريقة دي

1/ يعمل فلترة للدم , يعني ياخد الجزيئات الصغيرة والايونات من الأوعية الدموية

2/ وبعد كده يبدأ يرجع المواد اللي هيحتاجها الجسم على طول الأنابيب اللي قلنا عليها

3/ المواد اللي مش هيحتاجها الجسم هتكمل طريقها لحد الـ collecting duct وتنزل في البول

انتهى الموجز ... واليكم التفاصيل

[ندعوك للتسجيل في المنتدى أو التعريف بنفسك لمعاينة هذه الصورة]

تحت تأثير الضغط هيدخل الدم في الـ glomerulus

يبدأ الترشيح وتبدأ محفظة بومان تاخد الجزيئات الصغيرة الموجودة في الدم ( واكيد طبعا مش كل الجزيئات الصغيرة ملهاش لازمة , وعلشان كده عملية الكليية مش مجرد فلترة مرة واحدة وخلاص .... لا , دي بتعدي بمراحل اقل ما توصف به في علم البشر أنها عملية معقدة جدا... ( والله عليم حكيم ) ( هذا خلق الله فأروني ماذا خلق الذين من دونه )(لقمان : 11) , وإلا بالله عليكم شوفوا ازاي بيعاني مريض الفشل الكلوي في غسيل الكلى ... اللهم اشف كل مريض مسلم [ندعوك للتسجيل في المنتدى أو التعريف بنفسك لمعاينة هذه الصورة] العالمين

نرجع للموضوع , محفظة بومان قلنا بتاخد الجزيئات الصغيرة اما الكبيرة لا , زي البروتينات الكبيرة وكرات الدم الحمراء

الفلتر ده Filtrate ... اللي هي المواد المرشحة من الدم هتدخل في الـ Proximal C.T. ,

وهنا بقى حاجات مهمة هترجع للدم تاني عن طريق الأوعية الموجودة حول الانبوبة , وأهم الحاجات دي

الجلوكوز , والاحماض الامينية Amino Acids ومعظم حمض اليوريك , و inorganic saltsعلى حسب حاجة الجسم

زي NaCl وده بيتحكم فيه مادة الانجيوتنسن II ( جبنا سيرة المادة دي الجزء اللي فات وهنجيب سيرته تاني ان شاء الله )

و أملاح الفوسفات ودي بيقل اعادة امتصاصها بالـ Parathyroid hormone..

ونتيجة لكده وبسبب الخاصية الاسموزية ( ان شاء الله اشرحها في موضوع مستقل ) المهم هنا بيحصل ان الماء بينتقل من المنطقة اللي فيها تركيز اقل من الصوديوم للمنطقة اللي فيها تركيز أعلى .. هتروح كمية من جزيئات الماء H2O مع الصوديوم

بعد كده هينزل المرشح للجزء النازل من عروة Henle

وهيستمر خروج جزيئات الماء ورجوعها للأوعية الدموية لانه هيكون لسه محصلش اتزان في الضغط الاسموزي , طيب ايه اللي هيحصل ( الصوديوم والكلور مش هيطلعوا في الجزء النازل والمية هتطلع ) فيحصل تركيز للصوديوم والكلور

ولما يطلع الـ Filtrate للجزء الصاعد من عروة هنلي هيحصل العكس , يطلع ( يعني يرجع للدم تاني ) الصوديوم والكلور , لكن المية لا ..

وهيحصل خروج للكالسيوم والبوتاسيوم والماغنيسيوم ايضا

بعد كده الـ Distal C. T. ...

هيحصل خروج للصوديوم والكلور والكالسيوم , ونتيجة لخروج الصوديوم هتحصل عملية اسمها Na+ K+ ATP ase ودي اللي هيحصل فيها ان الوقت اللي هيخرج فيه الصوديوم هيدخل البوتاسيوم , وده تحت تاثير هرمون الـ Aldosterone, والتناسب بينهم طردي على حسب كمية الصوديوم اللي هتخرج...

كمان الـ Distal C. T. بيكون فيه مستقبلات ReceptorsParathyroid hormone

نوصل لـ

Collecting tubules

ودي المرحلة النهائية وبيتعتمد على كمية الـ ADH يعني Anti Deuretic Hormone وده بيفرز في الغدة النخاعية بالمخ ...

طيب هي ايه حكايته الهرمون ده ؟؟

لو الهرمون ده مش موجود , الماء مش هيقدر يخرج من الـ collecting T للدم مرة تانية ... وهينزل مع البول

والعكس ... لو الهرمون موجود هيسمح برجوع الماء للدم تاني ...

طيب وجود الهرمون وعدم وجوده بيعتمد على ايه ؟؟

في خلايا عصبية في المخ اسمها Osmoreceptors , ودي ببساطة كده هتجس النبض في الدم وتشوف تركيز الصوديوم ايه ... , والنهايات العصبية للخلايا دي موجودة في الغدة النخاعية ...

يعني لو تركيز الصوديوم عالي في الدم , هيحصل افراز للهرمون ADH , والعكس ..

يعني لو حصل ان واحد شرب كمية كبيرة من الماء .. الماء هيدخل في الدم عن طريق الامتصاص في الجهاز الهضمي .. وبالتالي كمية الماء اللي هتدخل الـ Glomerulus في الكلية هتكون كبيرة ...

ونتيجة لكمية الماء اللي في الدم ... هيقل تركيز الصوديوم

وبالتالي الـ Osmoreceptors هتلاقي كمية الصوديوم الموجودة في الدم قليلة ... فمش هتحصل لها اثارة , ومش هتدي الامر بافراز الهرمون ADH

وقلنا لما يكون الهرمون ده مش موجود ( في Distal CT , Collecting T ) , نفاذية الماء هتقل ومش هيرجع للدم تاني ... وهينزل الماء اللي زايد عن حاجة الجسم مع البول , وهيرجع تركيز الصوديوم للمستوى Normal

طيب العكس بقى ...

ليه البول بيكون مُرّ كز وقت الصبح , وفي الصوم مثلا ..

نتيجة ان محدش هيشرب ميه لما ينام او وهو نايم او صايم .. هتقل كمية الماء في الدم , وبالتالي هيزيد تركيز الصوديوم في الدم .. وكمية الماء اللي هتدخل الـ glomerulus هتكون قليلة ..

تبدأ تشتغل الـ Osmoreceptors ويحصل افراز للـADH , اللي بدوره هيشتغل على (Distal CT , Collecting T ) , وهيزود النفاذية بتاعة الماء , ويرجعه للدم تاني ( معظمه مش كله طبعا ) علشان يحافظ على كمية الماء اللازمة للجسم ..

وبالتالي نفس الحكاية هيرجع تركيز الصوديوم للتركيز الطبيعي

آخر حاجة في الجزء ده

ايه معنى Glomeular Filteration Rate ؟

كلمة Rate معناها كمية في زمن معين , يعني كده GFR معناها كمية الـ Filtrate الناتج من الـ glomerulus , في زمن معين ..

وايه فايدته ؟؟

ده يعتبر مؤشر لعمل الكلية واختبار اذا كانت سليمه ولا لا ؟ , عن طريق اختبار بيقيس نسبة الكرياتينين Creatinine في الدم , وفي بول متجمع في 24 ساعة كاملة ( يعني ناخد كميات البول اللي بتخرج لمدة يوم كامل ) ..

وده هو الـ Creatinine Clearance ...