رمضـــــــــــــــــــــــان والحـــــــــــــب...............؟

تابع كلمة اليوم
رمضان و الحب
كفاية تشوف النور في وشوش الناس
كفايه نشوف المساجد مليانه حتى في صلاة الفجر
كفاية قوي كلمة رمضان كريم اللي على لسان كل الناس
موائد الرحمن على الطرق
و الناس اللي سابت الفطار و وقفت على الطرق السريعه
كل عربيه معديه يوقفوها , و يفطروا اللي راكبين فيها
كفايه تحس بحب الناس لفعل الخير
و البيت متجمع على الفطار
كفاية اننا في رمضان
ركعة خشوع و دموع
و ليلة القدر يا جماعه
واقفين على ابواب المساجد مستنيين الشمس تطلع
من بعد القيام لبعد الفجر في المسجد مش خارجين
و الاعتكاف الله عليه
و الصحبه الصالحه و الدم الخفيف
و الله وحشتني يا رمضان
يا ريت السنه كلها رمضان
بس زعلان من ناس
زعلان من شباب فاطرين نهار رمضان
زعلان من مساجد فاضيه في آخر رمضان
زعلان من خناقات و شتيمه و الحجه اننا صايمين
زعلان من اللي يفطر على سجاره و يتسحر على سجاره
زعلان من بنت محجبه بالنهار و بالليل شعرها يبان
زعلان يا رمضان من عاداتنا و تقاليدنا اللي بتحط حزن كتير جوه قلبي
بس مهما كان
كفايه اننا في رمضان
كفايه اشوف صحابي , اخواتي اللي مش بشوفهم غير في المسجد الكبير و احنا بنصلي القيام و التهجد
وحشتوني
وحشتني يا زايد و هشام
وحشتني يا خالد و انت كمان يا عمرو
مش ناسيك يا محمد و لا ايهاب و لا قاسم
توفيق و باسم معانا
كفايه اننا في رمضان
بحبك يا رمضان
في القرآن و القيام و التهجد و السهر لحد الشروق في المسجد
بحبك يا رمضان
رمضان و الحب
يا رب قدرنا في رمضان
اللهم اعنا على طاعتك و ذكرك و شكرك و حمدك و حسن عبادتك
اللهم اعنا على ترك كل معصية كبيرة او صغيره
يا رب رمضان بدون معصيه يا رب
يا رب رمضان بدون معصية يا رب
يا رب رمضان بدون معصية يا رب
اياكوا تنسوا يا اسرة حب في الله
زي ما اتعاهدنا على الحب في الله
انهارده بنتعاهد على ان رمضان السنه دي يكون من غير معصية
يا جماعه , يا شباب , يا بنات
رمضان السنه دي بدون معصيه
و الله وحشتنا يا رمضان
دائما مع اسرة حب في الله
اسرة قصة حب من واقع الحياه

شكرا حبي بس الكتابه الاولى مواضحه

يسلموووو موضوع روعة

حبيبي هذا الموضوع مكرر عيوني ارجو المسح

شكرا للموضوع المبارك يارب