أشـــعار عـــن العـــــــراق الحبيــــــب

سالم يا وطن
سالم ياوطن من عاديات البين
يادمنه اليدور ويا صبي العين
انجمعت بيك كلها وصرت قطب الكون
وامن اتراب كاعك يبدا التكوين
امس جسر الائمة وشاهدك عثمان
شرعب جسر ثاني وعبر الصوبين
العراق البيه علي وعثمان ما ينجاس
ذو الفقار هذا وهاذ ذو النورين
مقدس ياوطن كل التراب البيك
ونحر دم الحسين انطاك قدسيتك
يامهرة كرامة الرفضت المصراع
ولا لاحت تراب الكعاع ناحيتك
من يوصل مقامك يا عراق حسين
اذا شايل نبي ابراهيم جنسيتك

ــــــــــــــــــــــــ

وطن واحد
وطن واحد اجروحه واحنه مختلفين
وخلص شريان دمه وانذبح كله
اليهينه احنه ابعضنه بينه ما بين
وانخبطن علينه العنب والسله
واحد بالعرض واحد يجر بلطول
والثاني انسحب والثالث اتخله
ولا جنه ابوطن نشرب بنفس الماي
ونفس اجروحنه والخلل والخله
لحد ما طفح بينه الكيل والميزان
وانهد من علينه البيت والكله
والشتموا بينه الجانوا يجدون
والخادم كبل بجروحنه اتسله
الف لا ياشعب مو انت هيج اتصير
بل لا ياهلي يامعدن الدله
نهجر جارنه ومن يمنة حامي الجار
وبسابع جار ربك صوت نزله
نزل دبج علينه ونستحي انحاجيك
وبطبل لو دبج نستحي انكله
هسه انشيل اهلنه اشلون هاي اتصير
باجر لو محمد سأل شنكله
هلي مدو أيدكم ليش مختلفين
لان بس الصلح يرهم دوه العله
الصلح شيمة اهلنه واحنه اهل الطيب
واحنه اهل المحنة وطيبة الدهله
كبر بينه الجرح والحال غير الحال
جرح غير الصلح من يكدر ايشله
انتفاهم بينه وطيح ضيج وهاي
وإذا بيناتنه ياهل وطن سهله
المايرضا يصعد حته يرضه اوياي
يدلل عليه ورايح انزله
خلي بكلوبنه ايصير الصلح موجود
حته الطاح امس ها اليوم يتعله
وطن محتل يصير الخلل بالتاريخ
بس اكلوبنه ميصير محتله
احو ياهلي يا البيكم اتنخيت
ها يلسيفكم بلموزمه اتسله
مو بيناتنه كون العدونه انصير
شدة انشد عليه وكونه انسله
مو من بابه تدخل لون غرنه اعليه
اذا نتحد من اعيونه اندخلة
ــــــــــــــ
آني عراقي
واضح في كل الاشياء
وطيب حتى الاستغفال
بكلبي يمين بكلبي يسار بكلبي جنوب بكلبي شمال
في اقصى جنوبيتي عراقي
وفي لكنة كرديتي عراقي
بدوي عراقي .. بغدادي بلف جراويتي
بعكالي ابشتي بجفيتي
بس تنخاني امشمر حاظر تلكاني
تامر عيني وتامر اغاتي
يتوضحلك اني عراقي
اني عراقي .. اول من علمت الناس اتخط الكلمة
واول من غازلت النجمة
واول من رطبت النسمة
واول دمعة واول بسمة
ولكل ظلمة ان اول شمعة وشمس انطلقت من بيتي
بابل انه .. سومر انه .. من اور انه .. الوركاء انه ولكش وكيش
ومختومة بكلهن جنسيتي
انه عراقي اول من خط الاديان
املك جامع للقران واملك اديرة ورهبان
وكنائس عندي وصلبان اني عراقي ..
لتعربني وتستغربني هذا يماني وهذا حجازي
وهذا الكردي وهذا العربي وهذا المسلم هذا المسيحي
وهذا السني وهذا الشيعي
ما اسمحلك ان تنسبني غير الاصل الشعب الراقي انه عراقي
انه عراقي .. الله كلم موسى بارضي
وارسى سفينة نوح بارضي
ادم صلى لربة بارضي
هود بارضي وشيت بارضي
واكرمني بستة معصومين ..
ومن دم حيدر ثورية ارضي وجف
عباس ودم حسين
اني عراقي
النعمان اتربه بارضي والكيلاني من اربات ارضي
واوراق العالم ما تكفي
وما تستوعب ارثي الباقي
ويكفيني افخر
امام كل السنة عراقي
ومرجع كل الشيعة عراقي
وبابا الفاتيكان عراقي
مو حقي افخر انه اصل الانسان الراقي
اني عراقي
ـــــــــــــــــــــــــــ
عراقيين
اذ لا سمح الله الحرب شبت بيك
كلما ما تهدي ايكوم يتعذر
العراق انت شهم كل هالشضايا البيك
وبياض البلعلم ما عفتة يدمر
يالون الشرف ياكل وقار الشيب
يا اول عدل كل يوم يتوذر
ما تنكص ركبتك منه حتى السيف
على ركبتك السيف السيف يتحذر
عينك بالغضب يتغطة منه الموت
وتعمه من البجي لو طفل يتعور
عمال المساطر فجروهم بيك
خافوا بيهم المهدوم يتعمر
خافوا من صورهم تنعكس بالماي
ورادوا وجه مايك لونه يتغير
وحاروا بالكبب من عدها راسك وين
شكو بالجبيرة راس يتفجر
موكبة الهادي راسك المطلوب
لان ليشوفهم جن توم يتصور
تبا للحرب حتى بسمانة جروح
كفاكم هذا خاين وذاك يتكفر
احس اسسمت من ريحة البارود
اريد اشتم هوة الضحكات يتعطر
اصابعنة ادمنة خلي الزناد ايهيد
جف شيعي اعلة جف سني يتحصر
مد ايدك علي خل نطبك الرايات
وخلي العدو ابوكفتنا يتحير
احنة اهل الوطن بينا المراجل ساس
مو منه بنوايا الغير يتسير
حلفني بعمر واني بعلي الكرار
احلفك متريد الوطن يتعمر
متريد الدمع يهجر جفون العين
ومتريد الكسر ابضلع يتجبر
متريد الطفل يعرف شنو الوردات
ويتناسى الشظايا ومنها يتستر
طولنا الزعل ومشابك الخوان
العراق سنين صار الهاي يتنطر
ــــــــــــــــــــــــــــــــــــــــــــــــــ ـــــ

يا عراق
مو امسودن سودنك
انت اعقل منهم انت
وعن سلامة عقلك الراجح شفتهم راودوك ..
وانت اشرف منهم انت
وهمه يلابس العفة اشترهو ابين الخلك من جردوك
وانت صاحي ومو مريض ومن مرضهم ما عدوك
وانت الله اللي هداك وابد مو همه الهدوك
مو مسودن سودنوك ...
ياوطن يابو العطايا
يابو خير المشايح وكت الكحط وتصيح ماكو
مو فقير انت وتجدي اصخام وجه الفرهوك
ياوطن يحسين بالطف عالترايب وسدوك
من اجتك خيل امية
خيلهم داست عليك ومنك وبيك النشامى اللي اكصدوك
وما اجاك الحر ايكلك تايب اني
وياك اخذني وخلني ارد الهددوك
ياوطن يل ردت اتخلص من شرور الكيدوك
وين حجي الكالوا احنا ... وين وعد الواعدوك ؟
ياوطن يل ردت تخلص من شرور الكيدوك
اشسوة بيك الجاي من خلف البحار ؟؟
راد يبنيك احلى راية
وهو رجال العصر باسم التقدم بربدوك ...
يا تقدم بالسجاجين وخناجر تالي اهلك مرعدوك
التقدم مو حواسم مو جرايم مو نخلي اذنوب لردود المظالم
التقدم مو حرايك مو دكايك مو شريف البلعراق يصير بايك
التقدم مو خرايب مو مصايب مو شلية وتايها ومحد يحاسب
مو مسودن سودنوك
انت واحد ما تشرذمت بزمانك ...
وانت تدري شلون باوراق وخرايط حددوك
وانت واحد ...
بس منابرهم جثيرة وعلمنابر عددوك
ياوطن عقلهم انته ولا تصد العاندوك
ياوطن داويهم انت ....
ولاتعابي الشافو اجروحك غميجة وجبنوا ما ضمدوك
ياوطن بردهم انت ...
وصفي الكلوب الخبطهه فلان وفلان بخباثة
وبوس هذا وبوس ذاك
وصالح المغتاظ بعد وكله خوتك واددوك ...
مو مسودن سودنوك
ياوطن لمنه انتشاطر وانته تدري شلون لولاك نطشر
يالعزيز انضيع والله
ونغسل اصحون ابعواصم ما تحبنه
وتدري اهلهه ابوكت خيرك عالنعيم البيك حساد احسدوك
وبوكت ضيجك تبرو بالجذب ما عضدوك
يالعزيز انضيع والله
وابقضيتنه يتفلسف يضل ياهو الجان وسفة
وخايف يجيبون طاريك بسوء

الامس باجمل عبادات المدايح مجدوك
مو مسودن سودنوك ...
انت ابونه ,,,
ابحضرتك شيعي ويه سني عربي ويه كردي تركماني ومسيحي
صابئي وشبك ويزيدي الكل اجوك ...
ياعراق الكل اجوك
ياعراق الكل على الوحدة التعزك عاهدوك ...
كوموا نتلكة العراق
واكف يجوجى العراق ... ولا وكف هيبة العراق
ولا تدنك ياعراق
مو هضيمة انمد ايدنه الحضرتك يا هلعراق
احنه اهلك ساعدوك ’ احنا اهلك ساندوك
اليجي ويانة عراقي ’’
واليظل يبقى ويه غيرك ’’’ مو على الحبلين يلعب
يطلع اعليك ايتبكبك
بس سجاجينه اعلى صدرك

تـوآجدك الرائــع ونــظره منك لموآضيعي



هو الأبداع بــنفسه ..

يــســعدني ويــشرفني مروورك الحاار

وردك وكلمااتك الأرووع
لاعــدمت الطلــّـه الـعطرهـ

تـوآجدك الرائــع ونــظره منك لموآضيعي



هو الأبداع بــنفسه ..

يــســعدني ويــشرفني مروورك الحاار

وردك وكلمااتك الأرووع
لاعــدمت الطلــّـه الـعطرهـ

يسلمووو موضوع روعة عاشت الايادى

يسلمووو عيوني

ملاك
كفيتي وفيتي

بما قدمتي
اشعار
وكلمات وذوق واحساس
تدل على صاحبه
دمتي بهذا الذوق والاحساس
الرائع

تحياتي الك
يا ورده


المايسترو

تـوآجدك الرائــع ونــظره منك لموآضيعي



هو الأبداع بــنفسه ..

يــســعدني ويــشرفني مروورك الحاار

وردك وكلمااتك الأرووع
لاعــدمت الطلــّـه الـعطرهـ

عذرا منك فقد كتبت ولم اكن ادري ماذا كتبت

قد اكون ابتعدت قليلا وربما اقتربت

ولكنها كلمات اوجدتها لحظة الصمت مع قراءة حروفك

حقيقة انت رائع جدا

بل تملك الابداع والتميز

فلك من قلبي كل الشكر

فان لم يكن ردي يليق

فغدا ان شاء الله اشراقة جديدة
في مكان ما وموضوع ما

سأحاول لعزفك مجاراة

علني اصل الى تلك الروعة وذاك الجمال

شكرا لك كل الشكر

شكرا على الموضوع الجميل

كل الشكر لكـِ ولهذا المرور الجميل


الله يعطيكـِ العافيه يارب
خالص مودتى لكـِ


وتقبلي ودي واحترامي

شكرا يا اصحاب الابداع المتواصل يا من انرتم هذا الملتقي بكل ما هوة جميل
تقبلو خالص حبي واحترامي

أج ــمل وأرق باقات ورودى

لردك الجميل ومرورك العطر

تــ ح ــياتيـ لكــ
كل الود والتقدير