مشكله نريد رئيكم بيه

السلام عليكم ورحمة الله وبركاته
مشكله في الحب من زميله اليه حبيت اخذ رئيكم بيه وتانا بحب ولد خالتي وعمري 18 سنة وهو اكبر مني بسنة ... وهو كمان يحبني ولينا سنتين تقريبا في البداية هو كان يلمحلي بانوا هو يحبني وكل بنات خالاتي والي حولي بيقولولي يحبك ومرة اعترف لاختي بهذا الشي ....وانا بصراحة وقتها كنت احبه بس ماوضحتله ده الموضوع ابدا لاني كنت عايزة اتاكد من مشاعرة تجاهي ...وهو دايما يسالني ويقولي مين تحبي وانا مااجاوبة واغير الموضوع واجلس امزح ...وفي نفس الوقت كان في شخص تاني يحبني وهو يعرفه بس انا مااحبه وهو كان يغار منه .......وبعد فترة حصلت مشكلة بيني وبينه وانا زعلت منه وماحبيت اقوله السبب وكان هو يحاول يسامحني ويعرف السبب وانا ماقولتله ..........
وبصراحة في هذي الفترة يمكن انا جرحته بس وربي ماكان قصدي لانوا في ناس قالولي انوا هو بيتكلم عليكي والكلا م مرة زعلني وجرحني وانا مشكلتي اني طيبة واصدق اي شي ينقالي .... وفي النهاية عرفت انوا اللي قالولي هذا الكلام للاسف كذابين وعاوزين يفرقوا بيننا......وبعد هذا كله رجع هو صالحني واتكلم معاي وانا خلاص نسيت الي سمعته عنه ....ورجعت علاقتنا زي اول بس هو دحين عايش في امريكا وانا في بلدة تانية
وبعد المشكلة الي حصلت واتصالحنا كان هو دايما يرسلي ويقولي وحشتيني وانا ارد عليه بكلام عادي ومرات يكون عندي اختبارات مااقدر اتكلم معاه كثير واقوله معليش انا مشغولة........وبعد هذي الفترة انا بديت احبه كثير واتعلقت فيه...وهو اتغير صار مايرسلي كثير ولايكلمني ويغيب فترة ويرجعلي ومرات يكون يسال عني بشكل دوري ومرات بالعكس ولمن ارسله يرسل كم يوم وبعدين يرجع يقطع ويقولي مشغول ..وهو يدرس ويشتغل في نفس الوقت وانا ابغاه هو الي يشتاق ويرسلي...
وانا بصراحة تعبت ماعاد اقدر على غيابه وخايفة لايكون صار مايحبني مع انه كلامه يبين انوا يحبني ........وهو قبل يومين سالني من تحبي بس ماقدرت اقوله(خجلت"):z (77):...وقلتله جاوبني انت بالاول رفض وزعل ....وقلي ماراح اطمن الا لمن اعرف مين تحبي:005:... بس نفسي اعرف اذا يحبني ليش يغيب عني كده؟؟؟ ........بس اعتقد انوا هو صار يعرف من تعاملي معاه وكلامي معاه اني احبه .. وفي النهاية اعذروني .... يمكن انا طولت بموضوعي شوي بس حبيت انوا تعطوني رايكم وتقولولي ايش اسوي معاه ولكم جزيل الشكر........

اعلانات

حاتي اليكم اخوكم الحنين

موضوع جميل
يمكن هو يخاف يحكي مشاعره وانتي تصدي او تجرحي
وهو متردد في الاعتراف لكي
بيني له اكثر
هو انتي مشاعرك معاه
تحياتي