رفقا بلايتام

موضوع: رفقا بلايتام السبت مارس 02, 2013 6:56 am

بسعر خبزة تقنع الايتام
خل اصبغ حذائك اهلي جوعانين
لاترفض سؤالي شراح بيك يصير
خل نفسك مكاني الفلس اجيبة منين

هاك فلوس كتلة ولاتتعب الحال
فز بكبرياء وكلي شبعانبن
وحك امي الي ماتت وسط حرب الجوع
ماناكل اذامو واحنة تعبانين

ماافتح اذا مسؤول دك الباب
ولوماعدنة بيت وماكو مسؤولين
بيت الطين طاح وهسة صار تراب
اكل جلدة المطر وانداس بالرجلين

اني املك قصر من الجروح جبير
يكبر كل دقيقة بعكس بيتي الطين
ماتملي القصور عيون بعض الناس
واني الدمعة عندي جبيرة تملي العين

يدحج بالشمس بنيان هذا وذاك
واني على الرصيف خواني ملتمين
حتة المو شريفة تصدلي باستحقار
جن هية الشريفة واحنة موزينين

واذامر عيد خدي تبوسة بس الدموع
واحس روحي غريب بين المعيدين
العمر رمضان عدنة بس بدون فطور
وعدنة فطور دمعي مفطر الخدين

بمدن الالعاب نصبح من يجينة العيد
عالدولاب عين وعين علرجلين
جهال الناس صعدو فوك حد الغيم
وردت وي خوتي نصعد مارضو بالدين

جبيرة القصة كلش واحنة حيل اصغار
وماجيت اجدي وماردت اليعين
بس ماكلت الك تدري شوكت نرتاح
من يقدر اللة ومانضل عدلين

موضوع: رد: رفقا بلايتام السبت مارس 02, 2013 1:14 pm

عاشت ايدج زيزو شعر جميل جدا
وفعلا الشهر الكريم شهر الصوم والطاعه
هو يعلم كيف نحس بالجياع والمحرومين
لكن صار الهم فقط كيف نتحضر لمائدة طعام الافطار والذي منه
ونترك الجوعان
تسلمي ودمتي بالف خير