خسرت كلشي بحياتي والسبب انته

خسرت كلشي بحياتي والسبب انته
ملوني هلي وملتني هاي الناس
وك حتى الفرح من سنين فاركته
حبيتك صدك وحبيت كلشي وياك
وانت كسرت كلبي وبلا سبب بعته
كتلي احبج واريدج وانتي بية الروح
وكتلي هذا العمر لعيونج نذرته
وكتلك احبك وابوس تراب رجليك
وانت فرحي وضحكتي وكلبي ودكته
تعاهدنا نظل سوى طول العمر يفلان
روحين عشنا بجسد وشلون العهد خنته
من اقرأ رسائلنا تذوب روحي بشوك
واذكر كل حرف وبيا لحظة كتبته
شغيرك عني و وين حبك راح
ليش كلبي الوفي بقسوة غدرته
ماهمك تضحياتي وصبر الصبرته عليك
وك ليش اليسوى والمايسوى بية تشمته
زرعت دربك صبر ومحبة وطيب
وبدموع والم وجروح دربي زرعته
اداوي جروحي بيش وانت بية جروح
وجبت الملح بيدك اعلة جرحي نثرته
وك هسه اني صرت ما افيدك مو مستواك
وامك تتبرى منك لو حبي صنته
روح احجي لأمك كل الي بية صار
و كل ذل والم لأجلك تحملته
كولها هاي البنت تعشكني وبية تموت
وتبوس حتى التراب الي برجلي دسته
معقولة وامك ما تحن فد يوم
ولا حست ابد بكلبي وحسرته
لو انت الغيرت كل الدروب وياي
وكل البنيناه بحب بيدك هدمته
هذي اني اكولك روح الله وياك
والله يعوضني صبري وخليها سكته
ياحسافة عمري الكضيته وياك
ويا حسافة خدي الي بدموعي حركته
شحجيلك بعد عالجرى بية وصار
واني طعم الضحك من سنين ماضكته

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد الأربعاء يناير 16, 2013 11:16 pm

ياسلام سحر كلام ولا اروع
الف تحيه الج يا وردة

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

حقيقةً كلآآآآآآم يوجع القلب ومؤلم
وكلهم هيك يوعدون ويعشقون ويتخلون ويغدرون
مشكوووورة ياسحر العيون

الله عليج روعه وربي ع جرح

شكرا ياور ده تحياتي الك سحور ه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]