ابوذيات عتاب

موضوع: ابوذيات عتاب الأحد يوليو 15, 2012 12:04 am

باقة ابوذيات عراقيه
========
بسناسل حيل دهري سلسلاني
والا من ربعي واحد سلسلاني
يخلي فراك وجهك سلسلاني
الفظل للثوب ضل ساتر عليه

شتظن كلبي يكتب وصل ليــــــك
وبعد لاتصل يمي وصل ليــــــــك
بعد شكثر اصومنك وصليــــــــك
واكفر لو زعل كلبك عليــــــــــه

نوح وغير نوحي مانساني
وبالشده يصاحب مانساني
بعسر حالي وحمده مانساني
الباري وبس أله مديت اديه

دليلي شكثر من فركاك عانه
ولا صحله صديج بيوم عانه
هواي اصحاب مايسون عانه
وقليله امثالك العدهم حميه

نكرتني والدليل التهب ويذاب
وخصمي وياك خصم الشات ويذاب
صبحت مثل اليسوي زين ويذاب
بشط ولاربح من كل قضيه

ساعة الوكت مشراكة سعافاي
وعلي بجفاك ماتلحك سعافاي
جنت نخلة ويفيلهم سعافاي
وعلى كرصة خبز جيموابيه

كب شخصك مصايب كون صفن
شحارب والشماته هواي صفن
يهل حسنك تراه اسلام صفن
صافن والاسلام تلوم بيه

دحوك بثوب حسنك ونسجنه
بجهنم حبك ارضى ونسجنه
انحبسنة بقفص عينك ونسجنه
وتحط رمشك كلبجات باديه

نطرتة يلوحش خصك علي ما لاح
وكصر حبل المودة اوياك ما لاح
شحط فوك الملح ويصير مالح
ويغزر بالاوكلة بذن ايدية

عيوني من القهر تلفن وصدن
لو يعمن فلا اعوفك واصدن
اصيرن حارس بحلكك واصدن
شرط ماخلي بوسة اطب علية
****************
**********
*****

موضوع: رد: ابوذيات عتاب الأحد يوليو 15, 2012 2:04 pm

أبوذيات جميلة ورائعه كروعتك
عشت وأحسنت لكن الخط ناعم وغير ملون
انشالله يتم التعديل
تقبلي مني خالص الشكر والتحاياااا

موضوع: رد: ابوذيات عتاب الأحد يوليو 15, 2012 2:08 pm

تـــــــــــم التعديـــــــل
---------------
شكراً جزيلاً

» عتاب في عتاب
» رسائل عتاب
» عتاب للحبيب