بعدني اهتز واطيحن من يمر طرواك

اصبر الروح بيش وانته بيه الروح
 واذا تطلع اظلن بس جسد خالي
 لكيتك من جنت مالاكي كل الناس
 انته اول محب وانت الصرت تالي
 يالكلك محبه وانت احن مخلوق
 معقوله الحمامه اتصير كتالي  
صح ماكو بجمالك انه ادري بهاي 
وروجة رقتك ماكظهه كل جالي  
حرام اعليك تزعل ونته تزعل ليش؟
 اجيك انه اعتذر وبلا ذنب خالي
 غالي وكلشي عندي ومااهدك دوم 
وغالي وهسه احبك جي صرت غالي 
احسك تختلف عن كل بقيت الناس ب
عيوني اشوفك عالنجم عالي
 واشوفن دمعتك ماجنهه تنزل ماي 
ذهب تنزل دمعتك تجدح اتلالي
 الك بستان عمري بكل ثمن مزروع
 راضي بكل شي منك كلشي يحلالي
 اجيك ومن ارد فارغ ارد للغير
 وعنب بس اعله مودك تارس اسلالي 
يمك انسى روحي ومن اكون وياك 
وعلى فنجان شفتك تركع ادلالي
  تعال الخاطر الله وخل اشبكك حيل
 وشوف اشراح تاخذ منك الشبكه  
تعال ابماي طيبك بيه طفي النار 
تعال اعليه لحك حركتك حركه
 شكل الكلبي باجر حصته راحت وين 
ومن كدام عينه وينوخذ حكه
 ترس اذني سمعتك صفكت للغير
 مو من غير جفك طلعت الصفكه!! 
كلبي اعليك جان وبعده يبجي اعليك  
ولا توصل حبيبي الذره من عشكه 
ماحبيت غيرك لاهويت ابيوم 
ولا فديوم راسي الغيرك امدنكه
 بعدني اهتز واطيحن من يمر طرواك
 واحسك من تمر نسمة هوه وشهكه 
نخل حبي طويل وعثكه مايلاح
 وبس بحظن كلبك امنت عثكه 
من تمركم  الحلاوه البيك يسمر من تمركم
 وروحي اتذوب يمكم من تمركم
 ادوخ امن ارد احسبك من تمر كم؟؟ 
واحد بس اشوفك تسعميه

يسلمووو بلال شعر جميل
تحياتي الك

شكراا منورة عاشقة

وربي شاطر يابلال
لازم تشارك بسباق حاول ياغزال ومتأكده بتفوز
دمت متألقآ

يسلمووووو ستي الغالية منورة القصيدة

روعة

مرورك اروع