يا الخصرك افق ..

[center]تعال بحضني ذوب وارد احاجيك
بشي اكبر بعد من الصراحة

بكلهن صدكت بس يطلع شلون؟
خدك والكمر نفس المساحة

كافي سنين شعرك ليل مسجون
عله انفاسي تعال اطلق سراحه

عسل شفتك ونه الما ضايك وجيت
علة فراش المرض ما شفت راحة

وبما انو شفاء العسل للناس
يعني البوسة من شفتك مباحة

يا الخصرك افق وبوكت الغروب
ونظراتك حضن والشوك لاحة

اريد اعليك امد ايدي مثل ما
وطن مد على الافق جناحه

متاحة اليوم ابوسك واحضنك حيل
تعال يجوز باجر مو متاحة

صح تنراد ويه الناس الاخلاق
بس وياك تنراد الوكاحة

اني من ارد احبك اوفي وياك
اذا غالي كلتلك يعني غالي

وبدالي لو ردت واحد اذا موت
احمد هندي بس هو ابدالي

اغار من الهوه لو لامسك يوم
اذا مسك يروح بعيد بالي

اني من ارد اجيلك واكعد وياك
يضل بالباب ما يدخل خيالي

عليك ومو علية الخوف والله
شخاف وهسه قابل من جمالي

والك مني حضن لو احضنك يوم
اذوبك انت والقطب الشمالي

ولان يدرون احبك وامنت بيك
لذلك باتوا بحضنك جهالي

[/center]