ابوذيات احباب الروح

[ندعوك للتسجيل في المنتدى أو التعريف بنفسك لمعاينة هذه الصورة]

ا اليوم جايبلكم ابوذيات كلش حلوة اتمناء تنال اعجابكم ولاتنسوني بلا رد
صعدنة وما وصل واحد ونالاك
وحبيبي شلون اقنعنك ونالاك
اذا مكتوب الية انت وانا لك
وربك ما تفرقنة المنية

شعجب شعرك يشيب الشيب لوشاب ........
.... شعمل شايب اظن اشلون لوشاب ...
شفت هواي شد عيناي شال الراي جبينك بالشمس لوشاب
يشع اشعاع يوصل للثريااااااا

بعدني وياك بالعشره و لا زال
وكلبي ما يحب غيرك و لا زال
تراني صادق بحجيي و لازال
محبتك بالكلب غصبن عليه

يصاحب طال الهجرمرعلينة
وحتى الزاد بعدك مرعلينة
اذابعدك تحبنة مر علينة
تعال وكروة التكسي علينة تحياتي

أحبك أنت أنه موش ثاني
واحبك من جديد بعمر ثاني
واذا روحي تحل بجسد ثاني
بيك انت تحل ونتعايش سويه

يون كلبي اعله خله ونته هزني
لجن خله غدرني وانتهزني
تجوع الناس تاكل وانته هزني
اتصاقط رطب وابلا هويه

مرتب ماشفت مثلك ولا صاك
منهو الغيرك عني ولاصاك
عمري مكتلت واحد ولا صاك
بس لجلك اصك روحي بديه

وحق اهل الوفه والملح والزاد
الكرم أفضل معاني الشيم والزاد
حلالي ما يهمني النقص والزاد
تهمني الناس شتسولف عليه

الاحبهة طيب تسميني ومكروه
وادعي الالم ميمسج ومكروه
غصب كلبي يحبنك ومكروه
وارضة بيك يالما ترضة بية

شكد بعيد الدرب مابين سكتي وسكته
واتمنى اليا بجه حبيبي انا ابوسه وسكته
واني خلصت حبي بس نظرة وسكته
وسكتت واخاف السكته أطول بيه| بقلمي

انا قلبي مو جبل وطاح اكبر
وعليك القلب صاح الله اكبر
حبيبي وعيونك غلاتك عندي اكبر
من غلات روحي عليه |بقلمي

أظل لاوين أسولف ضيم وأحشي
وعكبكم جنة الفردوس وحشي
أذا حمزه أنكتل بايدين وحشي
ألف وحشي بهواكم صار اليه

تنخه تريد اجيك اليوم بالحال
وانت اعرف حبيب الروح بالحال
تدري لو غبت شيصير بالحال
احس لا حول الي ولا حيل بيه

ردت روحي ويروحك دوم يصفن
ودموعي عليك ما ضن يوم يصفن
تكول الناس هذه شبيه يصفن
ما تدري بغرامك لعب بيه

افرح لوشفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه

حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه

اكتبلي اشما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه

لبس وردي وجماله مرداي
لمحني بطرف عينه مرداني
سالني شلون حالك مرداني
يسال وسجاجينه اتفوت بيه

بحر ودي شصيرا ماي يقارب
ردت قربة ورجيتة ماي يقارب
شاكلك زعل مني ما يقارب
دقيقة بهل دقيقة صار بية

ياما فرشت لاحبابي وغطيت
تعبت ماحصلت كلشي وغطيت
عليه تامروا كلهم وغطيت
شلون احباب تتأمر عليه

عليك ألقيت حجة وألقيامة
وياما براسك أقرة وألقيامة
تدري ألحشر شنهي وألقيامة
ألقيامة وألحشر زعلك علية

أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية

إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية

إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية

ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية

يهل ناديت بأسم هواي عيدة
ويهل ماخذ دليلي وياك عيدة
الكلب موبس بالعيد عيدة
عندي العيد من نكعد سوية

تغيب الروح بغيابج ورده
كتاب جفاج من عندي ورده
روحي بفركتج يذبل ورده
ماي انتي وتردي الروح اليه

اريد اصعد جبل حمرين مكلوب
ودور علناثرات شعر مكلوب
يبيت الما جنة الحلوات مكلوب
اغمة كل صباح وكل مسية

وحك من سكنك بغداد والشام
بخدك لايك النكراش والشام
العشك مايفيدة البوس والشم
تفيدة النومة والكعدة سوية

[ندعوك للتسجيل في المنتدى أو التعريف بنفسك لمعاينة هذه الصورة] [/b][/font]

يسلمووووووو ررررررررروعة
الف تحية الج
دمتي كما تحبين

اها شكرا ياورده

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

سلمت يداك وقرأتها كلمة كلمه حلوة لكن
الشطرين الأخيرة شوي ثقيلات بالنسبة الي
تأعطي منهن هذين الشطرين حلوين
شكراً ألك دمت متألقاً

وحك من سكنك بغداد والشام
بخدك لايك النكراش والشام

موضوع: رد السبت ديسمبر 01, 2012 2:52 am

ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية
يسلمو ابوذيات روعه

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

» احباب الروح جرحوني هيثم يوسف (توقيع رهيب)
» بعت الروح لجلك ياعزيز الروح
» احباب حتى اخر العمر