قصيده بعنوان يامسافر

انت من غبت عني مادريت
اني حتى الروح وياك ودعيت

يالخذت مو بس روحي مني
انت اخذت الكلب وياك ومشيت

يامسافر عتاب هواي الي وياك
الجلمات مايوفن....لوعاتبيت

عفتني ورحت لاحس منك لاخبر
ولاحجاية زغيرة بيها اتعذريت

بعينك شفتني اغرك بحزني
وعفتني للموت وما اجيت

استعجلت بالرحيل وكلت راجع
اشوفك بالرجعة لية بطيت؟؟

يالما اتحمل فراكك..ثواني
اشلون فراكي انت اتحمليت

يالحبنا صفى حلم مذبوح
بيدك ذبحته وعليه بالدم بجيت

خاف صارت ...ونسيت
وخاف غير وحدة انت لكيت

ويامن كلبك هسة مشغول؟؟؟
هم صارت وبحب غيري التهيت

مو كتلي محد بالحب يسد مجانج
خاف غيري هم بهالحجي واعديت

محتارة يماي العين وشسوي؟؟
بين الشك واللوعة...بقيت

ولولا كلمة حب بيها اتصبر
جان من زمان ايست وانتهيت