كافي ياكلبي ندم وانسى النساك

كافي يا كَلبــــــي ندم وانسه النساك
كافــــــي مو مليـــــت ويــــــاك النصح

... انته بعيوني جبل ماكـــــــو بعــــــلاك
مو مهم طاحت احجاره امــن السفـــح

كافي يا كَلبي نــــدم عالمــــــــــاوفاك
من يكتبه الدمــع ســــــــــرك ينفضح

وابطريق الندم جـــــم شامــــــت وراك
هسه ليل وينفضــــــح صوت الجـــرح

لا تذم الريح موش ابمشـــــتهـــــــــاك
ما تفيد الريح مكســـــــــور الجنـــــح

الكَاع لو ماتت عطش لتــــــذم سمـــاك
تدري عن الكَــــــــاع مســؤوله الفلح

وإنته توهب كَاعك لكلمــــــــن إجـــــاك
وعدنه ناس بلا بخت تــــــــزرع ملـــــح

كون طبعك شمس ما يعمــــــــه ضواك
بحربك اوي الغيم لا تعــقد صلــــــــح

شكد مهم صوتك يمن بـــــــس بصداك
طمعــــــوا ودوروا ويـــــــــــــاك الربح

كلهه تانت طيحتـــــــــك شوف شغلاك
هواي حسبـــولك تطيـــــــــح وتنفضح

يا هوه الدنيـــــــــه الأخذ طيبة هــواك
ما يموت الهوه بطــــعنـــــــــات الرمح

لا تسد بابك هواهـــــــم كَابــــــــلاك
كله يعبر كون بابــــــك يـــنــفــتـــح

دورت مثلك لكَيــــــــت الما لكَــــــاك
لا تعاتبني المثل طبعـك يـــشـــــح

شما يطول ليل حزنك عالجفــــــــــاك
حكمة الله اليوم بي ليل وصبـــــح

إي يكَلبي التعبت كَلبـــــي بربـــــاك
وأثر بجلد الصبـــر كثــــــــــــر اللفح

إشتري الماباع بيــــــع المشتـــــراك
تعرف الما باع باجــــر ما يصـــــــــح

صير ساس امودته ويعــــلــه بمــداك
ظاهرا ً عالساس يتعاله السطــــح ...ّ!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

-=-لا تتخيّـل كل النــاس ملائكهــــ -=-
-=- فتنهار احلامكـــ -=- -=- ولاتجعل ثقتك بهم عميـــاء -=-
-=- لأنك ستبكي يومـــا على سذاجتكـــ -=-

أنا انثى لا اتقاسم الأشياء مع احد
أما يكون لي وحدي او اتركه خلفي.....

يسلمو سلمى كلام روعة
الف تحية الج

شكرا سلمى الوردة اختيار جميل جدا
تسلمين

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

يسلموووووووووو سلمى شعر جميل

الكَاع لو ماتت عطش لتــــــذم سمـــاك
تدري عن الكَــــــــاع مســؤوله الفلح

شكرا ياياورده

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] ررررررررررررررروعه يسلمووو

عبير الورد كتب:: [ندعوك للتسجيل في المنتدى أو التعريف بنفسك لمعاينة هذه الصورة] ررررررررررررررروعه يسلمووو

سلمت اناملك على جمال طرحك ..
لاعدمناك ِ....
بنتظآرجديدك بكل شووق
ودي