كسر كاسات صبره وعافني بليل

]كِسر كاسات صبره او عافني ابليل

او لفلفني الحزن گوّه ابعباته

ردِت دمعه .. وادوّر وين العيون ؟

اثاريهن بدوني امرافگاته

احس كلّي خويت ، او ذبلت الروح

مثل سمچه ابنهر نشفت لهاته

صِحت من لوعتي والليل مسموع

او رجع بس الصدى او حطني ابرحاته

وين اتريد ، يا عَز من الاعزاز ؟

او يا سلطان گلبي ، ويا اغاته

بعدك يا بشر يمليلي العيون

او منو المثلك حنين او طيبه ذاته

يمن گلبي اشتهاك او طلگ ّالكون

گبلك ناس سدت مشتهاته

يا ابيض گلب يتوضه بالنور

فرُض حُب الورد ما لحظه فاته

ما عندي سگف ، بس هيبتك بيت

غلات الدنيا ماتوصل غلاته

شفتك يوم نزفت حزن بغداد

ذهب بالنار مابدّل صفاته

صح احلامنه انباگت امن اسنين

او عمرنه انعصر وانشربت حلاته

تُرضه ابلايه حسّك اعبر الليل

او ترضه ابغير انفاسك اباته

اشيطفيّ نار قهرك من الضلوع

او تگلّب بالجمر چف الشماته

ذله الغربه ذله او انته حاشاك

تخدم اجنبي او تاكل فتاته

ارجع يمن طولك هيبة اعراگ

او طيبة دجلته او نخله او فراته
[/size]

شكرا الك خويي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يسلمو عامر
انرت الف تحية الك

جميل جدا
اختياراتك رائعة
غزال المنتدى تسلم

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

يسلمو ووووووووووووووووو
ع المرور انرتي تحياتي

سلمت اناملك على جمال طرحك ..
لاعدمناك ِ....
بنتظآرجديدك بكل شووق
ودي

يسلمو انرتي الف تحية الج

كلمات جدا راقيه
عاشت الايادي على النقل الرائع
دمت ودام عطرك
تحيــااااتي

يسلمو انس من ذوقج
الف تحية الج