مو انه الجنت دوم الاواسيك

ما ارضي غرورك واتعنه ممشاك
ولا اسمح لظلك بيه يتشفه

مو آنه الجنت دوم الاواسيك
وبظلي من الوكت وك جنت تتغفه

لا اكدر اسامح وانته غلطان
ولا تظن لجلك تنزل الكفه

مات الحنين الجان الك بالروح
ومات العشك صدكني واللهفه

ابيا وجه جاي وتدك بالباب
وتضحك وبيك ابد ماباينه الرجفه

وك شكد صلف يل ضميرك مات
جاي ابحناني تريد تتدفه

ماظل كلام اليوصف دكتك هاي
بس راح اكلك عساك ابعين ماتغفه

وعساك تعيش ابمراره والندم سلواك
ونار البكلبك ابد لا تطفه

ندمان اعله الوكت آنه الخسرته اوياك
واعلى عمري الضاع هدرآ الف وسفه

الساني الكال احبك منه انا اتبريت
وكلبي الشال سرك من عسى يخفه

وعين الشافتك كون اعميهه العيون
واكص اللامس ايدك واعدمه لجفه

شيسوي بيك الله وبعد ما كفاك
هاذ انته اعله ساعه اتودع الحفه

وتصيرجوة الرجل من بعد الهياب
هاذ آنه الاريده وبيك آنه الاتشفه

ما ارضي غرورك واتعنه ممشاك
ولا اسمح لظلك بيه يتشفه

شكراااااااااااااا شعر جميل جداااااااااا تحــياتي لك

كلمات رائعة كروعتك
مشكووووور على أجمل ماتطرحه من قصائد والشعر الشعبي اللي هو قمة الجمال
دمت بخير

يسلموووووووووو غرور ع المرور الجميل
تحياتي الك يارووووووعه

شكرا اماره ع المرور الجميل والرائع
تحياتي الك ياراقيه

شكرا على الشعر الجميل

تحياتي

يسلموووووووووو البحر الهادئ ع المرور الجميل
تحياتي الك يارووووووعه

[ندعوك للتسجيل في المنتدى أو التعريف بنفسك لمعاينة هذه الصورة]انتة روعة

» اني الجنت اضنك تدري وتحبني ؟؟