لعُيـون العراقيـة .. من، حكمت البيداري

[ندعوك للتسجيل في المنتدى أو التعريف بنفسك لمعاينة هذه الصورة]
لعُيـــــون العراقيـــة

لعُيـــــون العراقيـــة، الميّهـــا زُلال
طعـم العسـل واطيـب،شَـهدَه حَـلال
لوضـحكت أدمّـر، أتفلـــش جبـــال
ويـله ياويــله، من يگــرب الخيــال
لو صـوبته بنظـره، ينچتل بالحـــال

بعُيون العراقية ..

چفـــوف العراقيــــة، يـادوا المعـــلول
لمســـتها علويــه، أطــيب المشــلول
واللي گعـد فيها، أمراضـه كلها أتزول
واللي سكن عشها، ويّاها عمره يطول
نـور الحيــاة هيَّ، بـدر وگمـر وهــلال

منوره العراقية ..

هنيـــال عاشـگهـا، هنيـــاله هنيــال
يامسعده الحبهـا، والگلبـه الهـا مـال
نعمة الوفى بالحب،بيها الحمل مامال
نشــــميه هـل خيّــا، لو ربـت اجيــال
صگور وأسود سباع، ابطال ولد ابطال

ولد العراقية ..

بطبــع العراقيـة، حلــوه الخصــال
تنصــاغ بس الهـا، تنـگال الأمثـال
باگــت ورد فلّـــه، رقـــه وجمــال
والعقـــــل زينــــه، والحســن دلال
عفه وكرامه وشرف، وغيرة رجال

والنعم عراقية ..

حكمت البيداري
7.11.2007