زهيريات لانك بالتزامك

تذكير بمساهمة فاتح الموضوع :

لانـك بـالتـزامك مو مـن اهـلك
اخاف اتشيل ذنبي مو منه اهلك
منو بگدي يحبك مـو من أهـلك
منو بگـدي يحبك من عشـرتـك
و تمنة يصير اصبع من عشرتك
وآنة اش كضيت خايب من عشرتك
اعد بسنين عشرتنة و هي جروح
واحس وية النفس يطلع وهج روح
واخيرا گتلي ودعني وأهج روح
اروحن وين ما اگدر هوه انتة
و انة ال ما هان من أجلك هوةنتـة
الي بدنياي شي واحد هوة انتة
وحرت بين ان تركتة وان تبعتة
انة الونيت و الـون ون تبعتة
ما باعك حبيبك و انتة بعتة
حبيبك باع عمره و اشـترك بي
و حزن گلبي علة حزنك واشترك بي
و بعد شدوس گلبي و اش تركبي
جبل حبه و اتگلگل من تگل بي
و يادنية اشما دفعتي لن تگلبي
و اذا تنساه يا گلبي لا انت گلبي
و لا أريدك بعد و بصدري احملـك
و حبيبي اشلون ترضة بصد رحم لك
اذا حملك يتعبك صدري حملك
الي و روح الارض اشكد دوة الهة
و تداوي الداء لو بل مخ دوة الهة
بس العين ما يحصل دوة الهة
دواها العين خلهة من تقربي
و تصب كلما تشوفك من انت قربي
ولك شيصير حبك من تـقر بي
تحبني انتة يقين بصدري مو شك
الف شوكة السكوت بصدري مو شك
انذبح گلبي و تشضة بصد رموشك
و عرف محد يدفنة و شي دفن شي
و عگب صدر الماواجد شئ دفنشي
كفر من رسم غيرك شي دافنشي
و اظن للجنة يدخل من يرسمك
و حبيبك يمسح اسمه من يرى اسمك
ابسمك حبي جمالك من يرى اسمك؟
و انة الليل ابعيونك شفتة كحلة
و شفت شمس الاصيل و شفتك احلة
العسل من ضگتة گلك شفتك احلة
اذن لو من شفاهك بستك اشفة
اذا انتة المات يعدل بس تكشفة
اشتظن حبك يضعفك بس تكشفة
وعلي تخفي اهتمامك و اكتراثك
وانة ال من مات گلبي و اكتراثك
نسيت الحب الاول وك تراثك
صدگ ينسـة تراثـه هسة جيلك
وتشوف زواج عيني هل سجي لك
وانادي و ما تگلي هسة اجيلك
صحتلك يا و صارت كبر يائي
و اذا رائيت بل شط كبريائي
حبيبي اشلون تجرح كبريائي
و تذلني اگبال ناسك و ناسي
وبقيت بصحرا شاتلني و ناسي
ناس اتگول لا تسكت و ناسي
لان كلش مذلتي لاگتلهم
و جبل حبي المقدس لا گتلهم
گالو حيل ذلك لا گتلهم
عناية احتاج گلبي و جاي اعاني
وخفيت اشكثر منك جاي اعاني
تمرمرني من ازروك جايع اني؟!
شكثر ندمان چي بيتك عتبتة
وعرفني الباب من دگتي و عتبتة
عتابي وياك چي احبك عتبتة
گلبي اشلون يمهم وك كسرتة
اسير و ذل شجالك كسرتة
گبل چانت اسرتك وك اسرتة
اسرتك هسة سمتني الضحية

__________________

__________________________________________________

[ندعوك للتسجيل في المنتدى أو التعريف بنفسك لمعاينة هذه الصورة]

يسلموووووووو حمودي كلش حلوة تحياتي

شكراااا محمد للابوذيات الجميله
الف تحيه لك

[ندعوك للتسجيل في المنتدى أو التعريف بنفسك لمعاينة هذا الرابط]

» زهيريات لها طعم خاص
» احببتها لانك فيها
» زهيريات جميلة