مغـــــــــــــــرم بحبـــــــــك

اكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..

حني يبنت الناس مرة اعلة حالي***صدكيني آنة اهواج وانتي بخيالي

ردت عليه..وكالت..
...
لاحن ولا اهواك ماعرفك آنة***لاتحجي بعد وياي كافي ميانة

رجع المغرم وكال..

ما اكدر آنة انساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك***مو سلعة آنة وجاي ياخذني جيسك

جاوبهة المغرم..

مو سلعة انتي ادريج انتي حياتي***واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني***تلكة بنات هواي حتى احلة مني

كال المغرم..

من بين كل الناس كلبي يريدج***وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك***ماريدك وماريد ياخذني حبك

رجع المغرم..وجاوب..

هيجي يبنت الناس صعبتي امري***دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

رجع المغرم بعد الصدمة...وكال..

اقبل كلامج هاذ بس ما اعوفج***يومية اجيج هنا ويومية اشوفج...!!!!

رجع المغرم يمشي علة اعصابة

ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية......مافاد حجيي وياك ذيج المسية

جاوبهة المغرم بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية تحب الصراحة!!! وكالت...

سولفلي قصتك كول حلوة الصراحة.....انتفع بيهة هواي واشعر براحة

سولفلها المغرم بصراحة تامة وكال.....

حجيي الصريح وياج آنة هويتج........واليوم اجي خطاب واتعنة بيتج...

.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

مغرمنا.......بدة ينتظر الرد الصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب المغرم بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والآه بيدج تعدّة...

ضحكت هية وكالت ....

يلة دشيل الماي خلينة نمشي......صرنة اهل واحباب وانتهى كلشي.,.,.,

[ندعوك للتسجيل في المنتدى أو التعريف بنفسك لمعاينة هذا الرابط]

العراقي
كلماتك راقيه كرقي شخصك الكريم
دوما ميز باختياراتك
ودي لك

ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

عااشت ايدك ع الحواار الحلووووو

دووم الابداااع وردة

تحيااتي الك سجااد

يسلمووو سلطان لمروك الجميل

[ندعوك للتسجيل في المنتدى أو التعريف بنفسك لمعاينة هذا الرابط]

اوسكار كتب:: ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

عااشت ايدك ع الحواار الحلووووو

دووم الابداااع وردة

تحيااتي الك سجااد