طبع بالناس (روائع الشاعر نشأت الخالدي)

طبع بالناس تلعب من يجي العيد ................. ونته العيد هوه اليلعب وياك

جذب مو صاك انته الصاك تربيع ............... لأن لو شاف حسنك يفقد الصاك

من گد مارقيق وتمرض بساع .............. أذا تشرب عصير تطگگ شفاك

بليه الگلب ممكن انه ماموت .................... بس ممكن أمو ت انه بلياك

شالو مني گلبي حته ماجيك ...................... نفسه الشال گلبي مكانه خلاك

شلت حته خرز مالات نسيان ................... وتذكرتك لأن نسني أنساك

أدرس رغم ماعندي أمتحانات ................. بيا ورقه الأفكهه بنصهه الگاك

اباوع علجرايد واقره لخبار ................. شقره بيا خبر بي الگه طرواك

لو شفتك اتيه روحي من حيث.................. نشدوني عليه ….وأشرت ذاك

الماشافك خطيه شكثر خسران ............... والشافك خطيه صار مجنون

شگد عيون شايف انه اشكال ................. بس للذان ابد ماشايف عيون

خيگولون عنك انته مغرور.................. لأن ما يوصلولك خل يگولون

وخيگولون خشمك عالي ليفوك ................ لأن ماعرفو يقلدونك شلون

هنيالي لأن أكتبلك أشعار ................... وهنيال أهلك اليمك يگعدون

دم لسنون عدنه شكثر مكروه ................ وأحبك لو صرتلي دم لسنون