قصيدة الأب ~من العضوة المميزة لولة العبيدي

لادارة المحترمة
تحية طيبة
من ضمن الاقلام الجميلة التي كتبت وما تزل تكتب
عن الجمال والحب والتضحية والاخلاص والتفاني ونكران الذات
الا هناك قلم جميل يكتب عن الاب
ومايتحمله الاب عبء المسؤوليه و من تفاني للاسرة
والبذل والعطاء
من اجل اسرة صالحة
وابناء برره
اليكم من الرائعة
لولة العبيدي
اجمل قصيدة
[ندعوك للتسجيل في المنتدى أو التعريف بنفسك لمعاينة هذه الصورة]

الأب
جنة زغار نكعد وكت الغروب
باب الدار ننتظر جية ابونة
يرجع مبتسم بس وجهة متعوب
من يشوفنة يضحكن عيونة
يجي محمل ابونة اشكال والوان
وتضل تلوم بيه امنة الحنونة
تعبك هذا تعبك لا يا ابو فلان
تتعب والجهال ايضيعونة
لكن يبتسم ودموعة بالعين
ويكول لامي التعب يستاهلونة
هذولة حزام ظهري بساعة الضيج
والج بالشدة يا ام فلان عونة
ابوية على جتافة زغار وكبار
لعبنة سنين ماتعبن متونة
يلبسنة حرير وهوة محروم
وقميصة من التعب مكلوب لونة
واذكر لو تعبنة الوالدة تصيح
ابوكم نايم لتفززونة
لحد هاليوم صدك منك نخاف
ولاجل اسمك يوالدنة ونصونة
هنيالة اليسعدك واليرضيك
برضاك الجنة ندخلها يابونة
ابونة بدنيتة ما يوم مرتاح
الدنية وياه صعبة وما يملها
تعب,جاع,عطش مادنك الراس
ولا رخص ركبتة ومرة ذلهة
اصلب رجل بينة بمحنتة يصير
وكل صعوبة التمر بيدة يحلها
بس اضعف رجل بالعائلة يصير
اذا امي المرض مرة وصلها
امي شكد تحبة شكد تداريه
مدللها الجبير وهوة خلها
بس لو غضب مرة ولامي اندار
ترجف خوف من يباوع الها
ابونة من المصايب يحمل اشكال
ولا يحمل عتب امي وزعلها
عندة المهم يتعب واحنة نرتاح
وابد منية احد ما حملها
يرجع ظهرة محني وجدمة تعبان
وتتلكاه امي ويضحك الها
وقبل ما توصلة وتسلم عليه
الله يساعدج هو يكلها
رقيق وقلبة دافي وطعة محبوب
ابونة يغرك العالم حنانة
ما يرتاح قلبة وعينة متنام
اذا منام كل واحد مكانة
واذا لحضة نتأخر خارج البيت
يقلق والدي ويطلع ورانة
وتلومة الوالدة وتريدة يرتاح
ويكلها بركبتي ذولة امانة
تجي لحضات يصبح قاسي الاطباع
وندري القسوة من حرصة علينة
دنيانة بحر واحنة وسط الروج
سفينة وهوة ربان السفينة
يعاقبنة اعلة غلطة ويقسي مرات
ولا جنة ابو الروح الحنينة
وبعد لحضات لومنة الزعل راح
يجي ندمان ويبوس بدينة
الله موصي بيه بأقدس كتاب
بالقرآن وامي وياه جعلها
يا رضا الله ورضا الوالدين
وميزات الأبو عونة الحملها
تقي ويخاف ربة بيوم الحساب
ويحمدة على اللكمة الاكلها

للشاعر عادل محسن

[ندعوك للتسجيل في المنتدى أو التعريف بنفسك لمعاينة هذه الصورة]

وتبعنا اوراق تألف الخوض في ربوع السلام
تلك محطات توانت بالورود
خضراء في اسفارها

» كلام جميل جدا من العضوة المميزة جوهرة العبيدي
» لحظــات ولحظــات ~~من العضوة المميزة اوسكار
» لانـــنا اصدقاء من العضوة المميزة نور القيسي