تعاااااااااااااااااااااااااااااااااااال

تعااااااال

تعال الحك ماظل صبر بالروح
وتعال وياك ارد اكظي عمري الجاي

الحكلي حبيبي وظمني بيديك
ترة صدك اموت بغيبتك هاي

عطشان شكثر اني على ملكاك
الحكلي حبيبي وبيدك الماي

العطش انته وانته كلشي اصير
ترهم للنظر لوردت عيناي

انه بدونك غريب ومااشوف الناس
اعمى بدونك اظل كل عمري يهواي

بس من تردلي يرد بيه الحيل
ويرد حتى النظر من ترد وياي

تعال ارجع حبيبي وظمني بيديك
وخل نترك الراح وناخذ الجاي

بنص حديقه ازرعتني وكتلي اني ارويك
عجيبه شلون اتركتني ومادرت ماي

وانه ازرعتك ورد وسط العيون
لومسك عطش من دمعي اصبلك ماي

وسلمتك حبيبي كلبي بيديك
عجيبه شلون انكرت حبك وياي
عجيبه شلون انكرت حبك وياي
ـــــــــــــــــــــــــــــ