قصه حبيبين اتفقا على الزواج لكن؟؟؟؟؟

القصه
عباره عن شاب وفتاه احبوا بعض لدرجة الجنون....واتفقوا على
الزواج....وعندما تقدم لها اكتشفوا انهم اخوان بالرضاعه وانهم محرمين على
بعض...فعدت الفتاه " فجر " هذه القصيده تشكي حالها......وإليكم القصيده:

الله مـن حـالٍ تكـدر شرابـهـا
ونفسٍ من الحرمان جاها صوابهـا
هـمٍ يودينـي وهجـسٍ يجيبـنـي
وعينٍ تهل الدمع من حر مـا بهـا
اسهر واخفي حسرتي في ضمايري
خايفـه مـن دموعـي لا يندرابهـا
وانا سبب ما صاب نفسي وحالـي
شيٍ جـرح نفسـي وزاد التهابهـا
انثـر العبـرات مـن حـر مابـي
من واهسٍ وسط الحشى قد لجابهـا
بفراق من يملك فوادي مـن المـلا
نفسه اشتقيت بها ونفسـي اشتقابهـا
على الوفـا حطيـت يمنـاي بيـده
روحه حلالٍ لي وروحـي يهنابهـا
وعلمت ناسي والجماعـه بقصتـي
وبينت مجرى قصتي ومن مشى بها
وجاني الجواب اللي يزلزل كيانـي
وياليت منهو قالها مـا حكـى بهـا
قالوا اخوك من الرضاعه تريضـي
هذي الحقيقـه ولا يحـق اجتنابهـا
وحسيت كـن القلـب زاد التياعـه
ونفسي من الحرمان ضاق الفضا بها
ان قلت انا بنسـاه هـذي مصيبـه
يا كيف بنسى من حياتي اعتنى بهـا
مادري ألوم الوقت باللـي جرالـي
واحمله ما صاب نفسي وصطابهـا
والا ألوم النفـس وأكتـم مصيبتـي
واعيش في دنيا قليـل الرجـا بهـا
ما بين خط الياس واشعـاع الرجـا
سمرت في دنيا قليـل الرجـا بهـا
يا نفس كفي واستكفـي مـن العنـا
خلي الليالـي ليـا تعـذر حسابهـا
خلي قليل الحـظ يشقـي ويشتقـي
وشلي بدنيـا يـوم حظـي غدابهـا
دنيا التعاسه صارت اليـوم دنيتـي
دنيا السعـاده سـدت اليـوم بابهـا
الهم والحرمـان والضيـق والشقـا
ودنيا تركز فـي فـؤادي احرابهـا
لا صار من حبيت اصبـح اخويـه
دنيا القهـر والضيـم وش ينبغابهـا
ترجمت مأساتي وحظـي وبلوتـي
وطويت مبـدأ قصتـي ومنتهابهـا
دفنت حبـي بيـن طيـات القهـر
ثم زدت فوقه مـن رمايـل ترابهـا