لا تقولــي كــم هي همــوم الحزيــن

لاتقولي كم هي هموم الحزين
.................................الهموم اللي معه كبر الجبال
أسأليني إن كان ودك تسألين
...............................والا أقول الصمت أرحم من السؤال
ياحياتي في كلامي همستين
.............................. همسه لك تذهب وهمسه لا تزال
تجمع اللي ينثره طول السنين
............................... تجمعه وتقول حبه وبهبال
أحتواني الخوف ومدري وين وين
............................وين أشْعر فيك؟حتى في الخيال
وين حبك لي ؟ بعد ذاك الونين
.............................كل ونه بخافقي عرفتني بالمحال
المحال ... حب يقسى ما يعين
.......................... مايعين القلب في كثر الوصال
أطعنيني أن كان ودك تطعنين
............................ أطعنيني ... طعنتك ماء زلال
أشربه وأشْربه للعاشقين
........................... وأختمه.. بختم الوفا في ليل طال
أختمه في كل يسار وكل يمين
............................وفوق هآذا الختم أعلن أعتزال
أعتزال من حبك اللي مايبين
..........................من كلامه غير تنبيه أنفصال
كم وآحده قبلك حركة فيني الحنين
...........................وأقول ماني لك وشدي بالرحال
يابعد عمري ليه أنتي تزعلين
........................زعلتك جرحي ولا يزيد المجال
كان في راسي من الجن أربعين
........................... راحو في حرب التخاصم والجدال
الجدل بين الأحبه وأنتي تذكرين
..........................هو تفاهم في بحور وماتقال
ودي أقول الهم وودي تعرفين
............................همي أني أحبك إلى حدود الهبال

للامانـــة منقـــــــووووول