عاتبيني اعتاب طفله

عاتبــــــــيني عتـــــــاب طفلــــه
وخلـــــــي كل عيـــــــنچ كلام

وذوبـــــــــيني ا بيـــن ضحكـــه
انرســـــــمت بحضــرة امـــــام

انـــــي من انــــــظر اعيونـــــچ
چـــــــن حمـــــامات الســـــلام

الگــــــــه نص شكـــلچ براءه
والرمـــــــش يرشگ سهــــام

ليـــــــش كل وردچ بنفــــــسج
ولــــــيش الــــــچ لاگ الوسام

وليش ربــــچ وصّـــــــه بيــــچ
وعلــــّه شخصچ عالاــــــــنام

ورســـــم من جنحــــــچ فراشه
او ورده تضــــــحك ماتـــــــنام

ياعطر ياهيـــــل ياشفــــــة المغزل
ويا انوثــــه مطرزه بنجمـــات خام

اشگد قبيحه العين من اتصــد عليچ
وانتي شمــــرة حاجبـــچ كلها نظام

ترفع الحاجب احس بيـــك الغضـب
ولو نزل نص حاجبك يعني احترام

انتي من الله الوجــــه اربع فصول
وانتي ساعه وياچ عشرّة الف عام

عمي ما توفي القصيده اشما اگول
يا ملاك الكـــون وي مسك الختام

على الشــــــفه رسم شامه حلاله
وشرعا لليـــــــصد وجهچ حلاله
العسل منــــچ حلـــه طعمه حلاله
ورشف شفتچ دوه وصفوه اليه