أهون عليك يا الغالـي كـذا وحـدي تخلينـي

أنا أهنيك مـن قلبـي قـدرت إنـك تبكينـي

وحق الله يالغالـي أنـا مـن القلـب هنيتـك

كذا روحـي تعذبهـا ولالـي مـن يواسينـي

وأنا اللي بكل معنى الحب والإحسـاس حبيتـك

أهون عليك يا الغالـي كـذا وحـدي تخلينـي

تنسى عشرتي وتروح وعمري بلحظة ما نسيتك

حبيبي قول ما بقلبـك إذا زعـلان صافينـي

تدري كم أنا أحبـك وتـدري كـم صافيتـك

أنا مقـدر علـى زعلـك ولا إنـك تجافينـي

عساني ما تهنى لـو أنـا فـي يـوم جافيتـك

أريدك ما تصدقهـم كـل اللـي حكـو فينـي

حساد وفيهم الغيرة عشان بعمري أنـا فديتـك

حبك ساكن بقلبـي ويجـري فـي شرايينـي

عشقتك يوم ما شفتك وخليل الـروح سميتـك

تدلل بس على روحي ولو تطلب نظـر عينـي

وحق الواحد المعبود معاه القلب أنـا عطيتـك

منى نفسي أنا شوفـك ولـو خلسـة بيكفينـي

ملكت الكون ساعتهـا وتـاج الـراس خليتـك

حبيبـي لا تعذبنـي تـراه البعـد يظنيـنـي

ورجييتك لا تجافيني تكفـى ترانـي مغليتـك

حبيب الروح لا تنسى إذا مـا تقـدر تجينـي

تذكـر يـا بعـد عمـري كـم أنـا تمنيتـك

وتذكر قسوتك عندي وظلمك يـوم نـا سينـي

حسافه اكون في عيونك لعبـة طفـل مسليتـك

بسجل في كتاب القهر كل اللـي جـرى فينـي

عساه الو قت ينصفني ولا انـدم يـوم فارقتك