هند عثمان
رسالة sms : كتبت اسمك اعنادبورقة الخلان كالوينمسح وتراهنت تبقى رادويمسحونك حتى اني انساك احروفك جلبت ونمسحة الورقه
احترام القوانين : 
عدد المساهمات : 35853
العمر : 40
ألمهنه : 
نقاط : 37906
أعلام الدول : 
 |  موضوع: ابوذيات هنوده  السبت أبريل 09, 2011 3:03 am | |
| تذكير بمساهمة فاتح الموضوع :
سألتك على جروحك ما شفت بيك
حزين وغير حزنك ما شفت بيك
شفت شمات عندك ما شفت بيك
اشتفو ربعك الطلعو راس حية
* * *
عليك شلون ما تصعب لونك
همت والشوك والعشرة لونك
اذا ونيت من يسمع لونك
اذا مالك محب فوك الوطية
* * *
عنيد وهلعنادة البيك مرة
اليزعلك روحلة وبالجذب مرة
يمكن يعترف بالشوك مرة
ويكلك منك احتاجيت جية
* * *
اريد ازعل عليك انا وجربك
هم تنساني لو شوكي وجر بك
تظل تبعد ومد وصلي وجر بك
وهم تكطع وصل شخصك علية
* * *
مو تعليم شعر الحب ترة الهام
وكلبي بس الك وحدك ترة الهام
لغيرك ما نطخ صدك ترة الهام
الك وحدك فقط ناخذ تحية
* * *
اعرفك واعرف اطباعك ونوياك
وكلبي كبل وناتك ونوياك
الدنية وكلبي وعيوني ونوياك
اذاًًًًًًًًًًًًًًًًًًًًًًًً عندك بخت وحظيت بية
* * *
اريد اكعد واسولف الك وشراح
وغدة كلبي عليكم وذر وشراح
لو تدري من ادية اشفلت وشراح
وعلي جان انكسر كلبك علية
* * *
الم حسراتي انا ارجع وفلهة
ومشتاكة الروحك الغالي وفلهة
عجب للخانتك تبقة وفلهة
وانا الوياك ما سويت اذية
* * *
اضحك فدوة لجفونك وعيناك
جنة بلا وعي وهسة وعيناك
تعال ابكلبي افديك وعينك
وافصلك لون تتغير علية
* * *
زمانك لو زعل وياك خلة
واسكت لا تبين بيك خلة
مو سهلة الخليل يعوف خلة
بس صعبة الكرامة تموت بية
* * *
فاض الشوك بيه والمحنة
ويكون احظة بخيالك والمحنة
الم شمعات بيه والم حنة
حزنن لأن ما مريت بية
* * *
ربع عمري الج يرخص ونصفي
يحلوة ارجوج افهميني ونصفي
نصي غارك بحبج ونصفي
سبع لوعات بس يبجن علية
* * *
دريتك بيه تغدر واعلمنك
وصيتي يفوق صيتك واعلمنك
يصير الخير باجر واعلمنك
وصفالك وارد الحك الية
* * *
وحك حجة الاهك منتضركم
روحي بنار احطهة من تضركم
صار اشكد اتاني منتضركم
سبع ساعات ما فكرتو بية
* * *
منك بس خبر واحد وردنة
بنص الكلب خضرنة وردنة
ام الخير ردنالك وردنة
تجينة اتشوفنة ونكعد سوية
* * *
حبيبي الفوز انتة وانتة كاسة
دمعك نخب عمري وانتة كاسة
ترة فراكك هزيمة وانتكاسة
اذاًًًًًًًًًًًًًًًًًًًًًً غصبن عليك تفوز بية
* * *
انشــاء الله ان تعجبكم
عدل سابقا من قبل هند عثمان في الجمعة يوليو 06, 2012 4:28 am عدل 2 مرات | |
|
ســـــــــــــــمر 
