حب العراق للموت

موضوع: حب العراق للموت السبت أبريل 09, 2011 1:47 am

ســـــــــــــــألوني عليك وجاوبتهم بيــــــك
ما يحتاج اجاوب وانته كدامـــــــــــــــــــــي

وصار الكلب ورقة والنبض اقـــــــــــــــــــلام
وقعت بضميري ونشفت اقلامــــــــــــي

واذا كصوا ابهامي الجنت ابصم بيــــــــــــه
حباً بالعراق ايخضر ابهامـــــــــــــــــــــــــي

واذا حبك اعدامي آنه احبك مـــــــــــــــوت
والله انولد في لحظة اعدامـــــــــــــــــــــي!

ما ميــــــــــــــــــــــــت كبل لتعد وراي ايام
بس ماتت حرب وامجلبة بايامـــــــــــــــي!!

كحلت الشـــــــــمس من دم ضحايا الفاو
ونهر جاسم غرك بس شالته ابلامــــــــي

شـــــــــــهر رمضان اجه وطب وطلع ونعاد
وانا اتسحر بصومي وافطر اصيامـــــــــــي!

ما شــــــــٌــــدن احزامي اتعلم امن انخاه
يشد روحه عليه لوحَده احزامـــــــــــــــي!!!

في حرب وسلم فوك الخصر مشــــــــدود
اكل لحم الخصر واتعنه لعظامـــــــــــــــــي!؟

اندل الالم بس النزيف ايتـــــــــــــــــــــــيه !
وياخذني النزيف وتيٌه آلامـــــــــــــــــــــــي

ومن شفت السهم ما وصل صدري وطاح
صرت كلي صدر واركض عله اسهامــــــي

واحد مـــــــــــــــــــن احبه اواحد المحبوب
واحد بالقصيدة اواحد الهامـــــــــــــــــــــي

واحد كل عمرنه اواحد المعبـــــــــــــــــــود
هم واحد الموت اواحد اسلامــــــــــــــــي

واحد مـــــــــــــــن نطيح اواحد امن انكوم
والواحد بواحد جدول ارقامــــــــــــــــــــــي

مســــــــــــــــتوره الخيم وأنه بحلاة النوم
قميصي اعله الشرك ظل يحرس اخيامي!!

وبس رادوني ابوس ايد الظلم مذلــــــــول
بست الظلم بس بحلك صمصامـــــــــــي

ما رمشت اعيوني بالقصف مــــــــن صار
رمش كل القصف من سحبة اقسامــــي

قصيده روعه تحياتي الك
يااختي الورده

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يسلموو ورده زارا ع الشعر الجميل
تحياتي الك ورده

يسلمو زارا للكلام الرائع والجميل
الف تحيه ياورده

[ندعوك للتسجيل في المنتدى أو التعريف بنفسك لمعاينة هذا الرابط]

يسلموووووووووو
للكلام الرائع والجميل
الف تحيه ياورده

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]