شلون انطاك گلبك تجرح الحبوك

تذكير بمساهمة فاتح الموضوع :

چنت اتصورك دمعة طفل مفطوم
توگع من تشوف اچدام أمه تخط

وچنت اتصورك ياس أعله مجره الماي
من تغفه البلابل عله رموشي يحط

شلون انطاك گلبك تجرح الحبوك
شلون انطاك گلبك واغفلت روحك

جيب اذنك واسمعك سر نهاية شوگ
من دون الجروح تخبل جروحك

من شلت السهم وتوكليت تخون
انه بگلبك چنت ماخفت ليلوحك

بچي لازم يرد كل ذاك ضحكي وياك
يااطيب گلب عالعشره يتآمر

عله كل شفه نزرع چنه بسمه وشوگ
ونعلم الليل الاسود شنهي المسامر

يسالوني اعله شخصك لو چنت بالغيم
اگلهم هسه يمي وچنه نتسامر

وتجي لعيني انت هسه وعالرموش تفوت
ويسألوني وأگلهم لاأجه ولامر

چنت بلوني انت بدمي بالاحساس
هسه العاشريته يخبطك بلونه

تره مرات ينسه وعذره لوينساك
ست الاف عنده الذاكره تخونه

مابيهه ضمان العشره ويه الطاگ
بس ويه الفقير العشره مضمونه
بس ويه الفقير العشره مضمونه

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]