أكبر مجموعة ابو ذيات 2011

****************
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
**************************************************
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه
**************************************************
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه
**************************************************
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
{************************************************* }
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxx
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
(***********************************************)
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
**************************************************
حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه
**************************************************
بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه
**************************************************
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxx
علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه
**************************************************
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
**************************************************
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه
**************************************************
قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه
**************************************************
بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه
(==========================================)
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه
**************************************************
مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه
**************************************************
وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
(************************************************)
أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه
**************************************************
وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه
**************************************************
سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه
**************************************************
سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه د
**************************************************
اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك ميه
كلبي من اول احجايه شعر بيك
**************************************************
صعب اعرف اعرابك شعربك
الشفايف عيون طول الشعربيك
كعدت الليل لو تكبل عليه
**************************************************
زهيري
للنجف هاك دلالي وسر بي
تستانس وأنس سفرتك وسر بي
يهواك يعشك نضرتك وسر بي
ابد مايوم غيرك هوى
وبشرك حبك رغم عقلو هوى
وغير عطرك ما طابلو بدنيا هوى
رغم حبى الك سجنى واسر بي
**************************************************
البدر لاحك جبينة والله ليلة
ووفر هذا البثغرك والله ليلة..(والله ليلو)
عشت ليلة بحياتي والله ليلة
غلط بيها القدر واهداك الية
**************************************************
مرات الليالي تصير مرات..(بعض الاحيان)
ومرات الليالي تصير مُُرات..(مر المذاق)
ومرات الليالي تصير مراِت..(مرا~ة)
ومرات الليالي تصير هية
**************************************
انا الما مذنب بحبة وجاني
زرعت ورود شمحصل وجاني
اذا ما ذكر عشرتنة وجاني
على الدنيا السلام وهاي هية
**************************************************
انا اللي كل وكت كلبي خليلك
وعجيبة شلون ما ترحم خليلك
حبيبي السهر ما اريدة خليلك
لان هو سبب ما صار بية
*************************************
انا الابيض الك كلبي وصافي
وقليل من البشر تحمل وصافي
يزعلونك علي عمدا وصافي
واضل وياك مهما يصير بية
**************************************
انا اللي بالحزن ظهري تكلف
ولا واحد من احبابي تكلف
اذا جية المحب صارت تكلف
على الدنيا السلام وهاي هية
**************************************************
وك جرى ميك على ميي ولا زاد
سگيتك من دمع عيني ولا زاد
ملح الما غزر بعينك ولا زاد
طلع ساسك رمل وانهدم بيه
**************************************
روحك مثل روحي بهاون
وتدور عله الفرح كاعك بها ون
صرت مثل كهوه بهاون
يدك والنار عين الهه عليه..
**************************************************
حسافه العمر دونك يا هوانه
يا عشكنه يا حجينه يا هوانه
دخيل الله انت گلي يا هو انه
وهويتك ليش وشجابك عليه
**************************************
گلبي الچان الك مسكن والك دار
بجفاك الحزن شل حالي والك دار
الوكت دولاب مل مني والك دار
وانت والوكت صرتو عليه
**************************************************
جدمي شله هجركـــ ماتخطه
وبكلبي سهم غدركـ ماتخطه
يدفان عاللكبر اسمي ماتخطه
وادفني عدل شمتاني بيه
***********************************
شجاك ومنشدت عنـــــــــي واناسال
وكلهه تشافت اجروحــــــك واناسال
واشوفن دمعتك نشفـــــــت واناسال
دمعي على الخدين واحركهن اليه
**************************************************
رضينة من الله كالوا هاي قسمة
ومجنون ترى كلمن عاف قسمة
هاك اخذ الكلب ياصاح قسمة
بين عمارة وبصرة وناصرية..
**************************************************
حبيبي ردتك للوكت والراي
او ثبت مرضي مابين الكلب والراي
صرت مثل الغريج ابحر والروي
ايتلاطم او ماخله النفس بيه
**************************************************
وحك خالق الارض وسماه
شربني الدهر قهر وسماه
صار الضيم الي سلوه وسماه
امدوهن لو ما تمر بلوه عليه
xxxxxxxxxxxxxxxxxxxxxxxxxxxxxxxxxxxxxxx
يدنيه بحبل عتيني وجري
وحيل بنار جويني وجري
الوادم سمج مزتهه وجري
وانه اللبلبي حسره عليه
***************************************
امير الحب
من يوم فركاك مالذن جفوني سنه
اضحكتني ساعة بجيت عيوني سنه
ياحلو محد مبتلي بهواك بسنه
من دون كل الخاك سيفه عليه شهر
يوم البلاني بالعهودانوبه شهر
انته عليك السنه تمضي بحسبة شهر
وانه عليه الشهر كل يوم يمضي بسنه
**************************************************
بجتلتي بسيف وية اعداي برزاخ
وعلي زخ المطر شر موش برزخ
شتاني وعلي كلهة اصبحت برزخ
حياتي وبعد برزخ بالمنية
************************************
ولع تاب
كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية
***************************************
كاس السم لشربة وانت كاسة
وذا عوفك خسارة وانتكاسة
وذا شارك بدوري وانتة كاسة
اشيلك لو جنت خسران مية
***************************************
الك حن الگلب يسمر والك مال
وذاب الگلب من هجرك والك مال
ولاني ناجح بحبك ولااكمال
ولاراسب واگلك حيل بيه
***************************************
ياحبيبي لاتضن الدهر سرنا
هجرنا ديارنا وللغرب سرنا
وحگگ ماظهر للناس سرنا
لچن دمعي فضحني وعم عليه
***************************************
اريد ارسل سلام بالجات عني
واخبر اهلك المادرو عني
ابنكم كتلني بسهامه وعلني
واريد الفصل والديه سويه
***************************************
بعد راح الحلو وابعد وسافر وهيهات
واكله تحبني اليوم يكول هيهات
تريد اعشق وارد النوب هيهات
ولو ما بيك قصور يا حلو المسيه
**************************************