ابـوذياـتـ حلــوة

دليلي شما يون تدري وناليك
احصلك ياوكت گلي ونالك
قدر مكتوب الي انت وأنا ليك
مثل قيس بزمان الجاهليه
--------------------
عيني من الزغر دمعي نغمهه‎‏
وروحي مابعد يطرب نغمهه
الدنيا خلاف عشرتكم نغمهه
مثل موته انتمشه على الوطيه
--------------------
أحس گلبي عليك اليوم لاعب
كلام الخشن بطله وياي لاعب
شجاني وطحت بعشق لاعب
تركني وفضل الطوبه عليه
--------------------
احبابي شلون حالتكم بعدنا
شبدينا والزمن عنكم بعدنا
اذا أنتم نسيتونا احنا بعدنا
نذكركم كل صباح وكل مسيه
--------------------
نخيت المصطفى الهادي واهلبيت
گلت هلبت گعد حظي وهلبت
فرد بت البقه بروحي وهلبت
دخيل الله بگطعته شلون بيه
--------------------
بس مني التريده يصير بلفور
طفيلي وادري بيك تموت بلفور
يهودي ومن تواعد وعد بلفور
توصل للصدك تگلب عليه
--------------------
علامك ماترمش علي تنشد
كثيره ابتوت لك بالروح تنشد
بيه جروح تالي الليل تنشد
قوافي اهواك حيل اثرت بيه