ابوذيات ودارميات حلوة

كلما اكول انساك يرتعش جسمي ***** ويرجف جميع عضاي يابعد رسمي

هم الليالي تعود واتعاتب وياك
احجايه للشمات خلاني فركاك

شنهي الدوه الموصوف لل ماينامون***دلوني ياعشاك لاتعمه العيون

باسمك اسمي الناس صارتلي سوله***وحتى اسمي اغلط بي واسمك اكوله اهدي

عاتبت كل الناس ما عاتبيتك *** انته الحرس للناس وتبوگ بيتك

لا من انس يفلان لا انته من جان *** ميحل قضيتي وياك بس كوفي عنان

اشينفع المكتوب لو ردت اوديه .... كون التريده الروح اكعد واحاجيه

بهاي اشوفك طيف وبهاي اباريك لو تعمه هاي وهاي بالروح اخليك

مسعد ينام الليل خالي من الهموم حزن اليموت اسبوع حزن العدل دووووم

ذمه بركبتك هاي لو ميت اني ***علكبر تكتب مات جي مانساني

صابر اظل اسنين وانطر ترجعين*** نشفيلي دمع العين يااجمل سنين

جمر وثلج فد كاس ينجمعن شلون***الجمر لون شفاك والثلج السنون

صار العشك وياك ياعمي موده *** انه ابيض من البيض وتكلي سوده

لا تهمل اليهواك حاسب ضميرك
صدكني يالمحبوب ماعندي غيرك

عجبه العشك وياك واصل لهلحد *** من بعد بوس الايد تضربني عالخد

عجبه العشك وياك واصل لهلحد *** بالحزن شيب الراس ينكلب اسود
--------------------------------------------------------------------------------

نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه:xxx:

حبك يبعد الروح خلاني ساهي كمت اكل الصمون حسبالي كاهي

عجبه العشك وياك واصل لهلحد *** من بعد بوس الايد تضربني عالخد

حيل ألكم اشتاقيت يل ما تنشدون*** ذنب الكلب يشتاق مو ذنب العيون

كون العراق اليوم يلتم وراوي
اسمك حًًَفر بالروح منهو اليساويًًََ

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

يسلموووووووووووووووو
على البوذيات الجمليه
تقبلوووو مروري

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

ييسلموا وليد نورت حبي

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ

يسلموووووووووووووووو
على البوذيات الجمليه
تقبلوووو مروري

تحياتي الك سليل

شكرااا للكلمات الرائعه والجميله
تحياتي

[ندعوك للتسجيل في المنتدى أو التعريف بنفسك لمعاينة هذا الرابط]

يسلموا سجاد وكرار نورتوا الف تحيه الكم

[ندعوك للتسجيل في المنتدى أو التعريف بنفسك لمعاينة هذا الرابط]

ڳل من يڳرهني أمامڳ خمسةأصآبع خير ٲڷآمۈڒ أۇسطهآ