تذكير بمساهمة فاتح الموضوع :
ابوذيات
------
وحق من اعرف اسماءه واجلهه
حبك شال مــــن روحي وجلهه
لو دربي الك حقهـــــــه واجلهه
اجيك وما تهمني المنيه
------------------
زمان الهجر خل يكصر ولا يطول
والي بحبكم علو هامه واليطول
نور الشمس فلا يكـــــدر يطول
الورد انته واشيلك بيا اديه
------------------------
اريد ادخــــــل لكلبك واهجمنه
ونصحوني اتركــــــه واهجمنه
نور الشمس ماخـــذ وهجمنه
وحتى الكمر ياخذله تحيه
----------------------
زهيريات
-------
ميت تراني ولك بـــــــس عايــــش برحمه
وعذبت هـــــذا الكلــــب كافي ولك رحمه
ويرتاح بيه النفس لـــــــو وصلـــــت رحمه
ولا تشك بيـــــه لبـــــد كل الهوى حاسبه
ولو طال بيــــه الهجر ابقى الوقـت حاسبه
ومن كثر جمع وطرح عقلي انكلب حاسبه
ويجمع ويطرح بعــــد لوما اجترحمه
------------------------
كلبي النهل مـــــــــن نبع حبكم وابد ما روى
وكتله اروي الي قصتك بالحب سكت ما روى
مرمــــــــــــرت روحي ولك كافي يا ابو مروة
ردت اهجــــــــــر وما كدرت راح الكلب عادله
هو بشر كالورد بس الهجــــــــــــــر عاده اله
موازنتي الــــــــــــــه بالورد طلعت فلا عادله
لان الورد ينحني من تمر بيـــه مروه
-------------------------
دارميات
-------
لا تبعــــــــــــــــــد انا ارجوك جنني بعدك
يمي واكول بعيــــــــــــــد وعليك انشدك
وينكم احباب الروح مشتاقـــــــــه اضمكم
صح امشي بين الناس بس روحي يمكم
ريت العمر لا طال صرت احســـــد المات
عمر وخلص بالضيم وهمــــوم وخسارات