سطو بعد منتصف الليل من قبل حسن المدريدي

~..... الســــــلام عليكم .....~
قبل لا ابدي وادخل بالموضوع اني اعرف بنفسي مقصر وية المنتدى ووية الاعضاء لأن مدا اتواجد ولا اشارك
بس اكيد اني عندي ضروفي وعندي مشاغيل هواية ومدا اكدر افوت واتواجد مثل قبل بس ان شاء الله باقرب وقت اكدر وارجع اتواجد
----------------
طبعا الشي الي خلاني هسة ادخل للمنتدى هو الشغلة الي صارت وبصراحة من سمعت تأذيت كلش
لأن نفس الشغلة صارت قبل فترة وية كوران وهسة وية حسن واكيد ثنينهم اصدقائي وغالين عليه مثل ما كل الاعضاء والمستعمين غالين عليه
اني رح احجي الي اعرفه مو لأن حسن صديقي وابرر موقفه لأن اذا حسن صديقي فاكو مئات الاعضاء بالمنتدى اصدقائي
اول شي اني لحد هسة مااعرف اذا جانت الشغلة مسويهة حسن او لا
بس ممكن انه واحد يدخل بعضوية اي عضو وبنفس الاي بي ومن نفس الحاسبة
يمكن اذا الاعضاء ميعرفون بعالم الهاكر ممكن يجي اي احد يفهم بالهاكر يكدر يشرح كم شغلة ممكن من خلالهة يطلع كلام حسن صحيح وانه هو ما الة علاقة بالي صار
اكو برامج اختراق هواية تكدر من خلاله التحكم بحاسبة الضحية بشكل كامل واكو برامج مثل تيم فيور تكدر من خلاله تسوي ربط بين اي حاسبتين على النت وتتحكم بالحاسبة الثانية وتفتح صفحات بالحاسبة الضحية
بس هلشي ميصير اذا جانت حاسبة الضحية مطفيه وحسن كال اني نايم من ال1 ؟؟؟؟
واكو احتمال ثاني انه عضوية حسن مخترقه من قبل اي هاكر وهذا الهاكر مغير عنوان الاي بي مالته ومسويه نفس حسن وهذا مو شي صعب اكدر هسة اغير الاي بي مالتي واسوي مال اي دولة تعجبني واغير موقعي عالنت
لأن هالاشياء صارت فد شي بسيط وسهل خاصة بهلوكت وبرامج الاختراق وتعليم الاختراق صار بكل مكان
اوو الي مخترق حسن مشترك على نفس الشركة شركة هالة سات لأن مشتركين شركة هالة سات يصيرون نفس الاي بي ..........هذا الحجي الي حجيته هو ميطلع حسن بريء عن الشغلة ولايثبت انه حسن الي مسوي الشغلة
كل الي ردت اوضحه انه ممكن يكون حسن الي مسويهة وممكن يكون مو هو !!!!!
وبالاخير بس حبيت اوضح شغلة لخ
استاذ زمن حضرتك كلت المفروض الادارة يخلون الباسورد صعب او طويل اني اكلكم شغلة لو باسوردك تسويه صفحة كاملة هم ماكو اي فايدة لأن ممكن بكل سهولة بس تستلم سيرفر يندز الباسورد مهما كان طوله حرف واحد او 100 حرف ويوصل التبليغ للمخترق الي يريد يحافظ على حاسبته او ايميله او عضويته يكدر يحافظ عليهة اذا مينزل شي من النت بدون ميتأكد منه وميستلم اي صورة او ملف على الايميل او من شخص ميثق بي ......

وبالاخير حاب اسلم على كل حبايبي واصدقائي اعضاء المنتدى الغاليين عليه واتأسف مرة لخ على الانقطاع بس صدكوني لو شكد ماانقطع عنكم ابقى حيدر العراب ابن هذا المنتدى الي متواصل وياكم صار 3 سنين من اول منتدى ولحد هسة بس كل انسان تمر عليه فترات ينشغل باشياء تبعده عن احبابه وناسه

تقبلووا تحياتي
اخوكم حيدر العراب