مــــو ميـــــت

قصيدة تبكي القلب الميت

قصيدة روعه عن لسان ام الشاعر الراحل
رحيم المالكي

مو ميت عدل واكبالي اشوفك دوم
واتأمل رحيم لغيبتك رجعه
ما صدك غفل يوليدي عني تروح
مستعجل تريد فراكنه بسرعه
كدامي القلم كل ساعه اشمن بيه
بلكي عالقلم نيشان من صبعه
وشكد ذكريات مخلي على وراق
وحجايات حلوه ابالي متجمعه
نقره بدفترك حد ماتطيح عيون
والبوم الصور نشتاق ونطلعه
عيني عالدرب من ربعك يردون
اكولن بلكي اشوفن جاي وي ربعه
ويطول انتظاري اووكفتي عالباب
عين اتاني تبقه وعين بالدمعه
راح التعب يمه وذاك سهر الليل
لاجني صدك ربيت وامرضعه
لاجني بمهد هزيت الولي عليك
يبني و لمن تمرض قلبي اتصدعه
طكتني المصايب واوجرت وياي
متعنيه وعلي بيبانهه مشرعه
يوميه انلجم يوميه عندي مصاب
وانه عالمصايب مالي كل جرعه
شريد انسه يمه منيلي النسيان
هو الجرف ينسه الماي ويودعه
يوليدي العراقيه تسولف بيك
لمن تذكر اسمك كلبي اتكطعه
تبقى عيوني تربي مكابله الشاشات
بلكت صورتك لو صوتك انسمعه
ظلمة ليل صارت دنيتي بلياك
يالحارك حياتك للوطن شمعة
انته وكل شهيد الطاح وفه الكاع
يا سيف العراق ومهرته ودرعه
اقنع روحي يمكن لو كلت انساك
بس كلبيبي الدفنته وياك شيقنعه

تحياتي الكم

عااااااشت ايدج لمار ع الكلمات الجميله

و الف تحيه الك يا ورده

يسلموووو لماار عل نقل المميز لكلمات رووعة برغم حزنها

تحياتي الج وردة
تقبلي مروري

اوسكــار

شكرا لمار على الكلمات الجميلة

شكرا لمروركم الجميل
عطرتوا الموضوع
تحياتي

يسلمووووووووووووووووو
لمـــــــــــــــار
على القصيده الجميله
تحياتي لكي

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

زائر

شكرا لمااار

تسلمين يا راقيه

تحياتوووو

زائر

انتوا الارقى والاحلى
تحياتي الكم وورود