اسف الغيابي ياااجمل صفحة بكتابي وهديلكم هاي الابيات لكل الحضور

شكتبلك بعد
شكتبلك بعد مو خلصت الچلمات
وياشاعر يداين خاطر اكتبلك؟
وماعندي صور وارسملك الابيات
يا احله الصور مجنون وارسملك
حسنك مشكله تيّه عَلي الاوزان
زاحف كل حرف بس كون يوصلّك
واذاشاطىءغرامك صايرالنه ابحور
ابحورالشعر خجلانه شدگـّلك
ظلّك قافية يلمشيتك بالحان
وسياب ياعتزل لو شاف بس ظلّك
يا قمة ترف يا وحدة الموضوع
يا نقطة ضعف بس انته عد خِلّك
ممكن رقتك تصلح قصيدة شوگ
بس ديوان حب لو تنوصف كلّك
ارجع للصفر عالفطره شعري تريد؟
ارحم حال شاعر صار من اجلك
عن كل شي اكتبت بس لا تظن مغرور
لكن حضرتك معذور شوصفلك
يالوصفك لغز ومحـير الاوراق
واقلام الشعر ماممكن اتحلّك!
شاعر يعتذر من عندك اني اليوم
كل هذا الذكرته لاتظن جـلّك
ومن بعد اعتذاري اهديك هذه البيت
لكن مو وصف لا حتى مااخذلك
عدهم كل شمس تفصل نهار وليل
بس عندي الشمس تشتاگ تنـزلّك!
واذا عندي الشمس تنـزل لأن تشتاگ
معناها الگمر ينـزل يبوس رجلّك

وربي تعجكم الكم فائق احترامي وتقديري
[ندعوك للتسجيل في المنتدى أو التعريف بنفسك لمعاينة هذه الصورة]

يسلمووووووووووووووو
على كلامك الجميل

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

[ندعوك للتسجيل في المنتدى أو التعريف بنفسك لمعاينة هذه الصورة]

ياسلاام ياورده موضوع روعه تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]