زنجيل ابو ذيات على الاسامي شوف

شوف الزمن اشعمل لايساره
النذل لا تنفع يمينه ولا يساره
خبر يفرحنا ماشفنه سنة لايساره
بس اهات وقهر ودموع منه اسيل
مجبور غصبن علي اترك هو اسيل
اسال عنها ابد مايوم عني اسيل
اسيل راحت ولك هسه اجت مروه
لاخوه ظلت ولا صحبه ولا مروه
وحق حرمت صفا وتراب مروه
الواحد لو مايحب لو يحب نوره
سبحان رب العرش في خلقه ونوره
غلطان هذا الذي يترك عشك نوره
نوره الصبح والظهر جماله وهم ليلى
ومعذور تره كاظم من غنه على ليلى
وجهك نور الشمس وشعرك نصف ليله
يل شعرك ليل فوق الجتف فله
وعن عيني ابد ما غبت فله
ناس اتبيع جمله وناس اتبيع فله
خليت كلبي انا وانطيته لبيداء
وياي اه وقهر صارت مثل بيداء
لا حي بيها سكن كله بسبب بيداء
للناس اشكي الحصل من قلة الايمان
المفروض اسمج كفر ما لازم ايمان
من جور وكتي ماظل بعد ايمان
من حيث حتى الدمع فوق الوجن ندى
خاب انتي ضد الكلب صرت ولج ندى
ناديت كل الخلك محد عرف ندى
العمر راح انتهى وما ضلت بعد اثار
جم طكه بيك ولك جم وجعه جم اثار
يادنيا بسج علي كافي قهر واثار
طير جنه انكتل بطل بعد تغريد
جذاب ذاك الكدر يوصف وصف تغريد
لا صوت الج ينسمع لا همسه لا تغريد
لا جن يظل للابد حبج غضب ساره