اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه
وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه
مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه
وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه
عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه
اكتبلي شماردت تكتب ورد الك
ازعل وابتعد وامشي وارد لك
بساتين بوسط الكلب زرعت ورد لك
عزيز وغالي تبقى عليه
والاكدار
حلو طعم الحزن لاجلك والاكدار...(المكدرات)
بس ال كربـــلا دمـعي ولك در...(صب دمـعي)
ِبگلبي ما بقى مـسكن ولك دار...(لك بيــت)
أسيْر اعليه صرت صبح ومسيّــة
احوك بثوب حسنك وانسجنه
بجهنم حبك ارضهووانسه جنه
انحبسنه بقفص عينك وانسجنه
وتحط رمشك كلبجات باديه
سليته
حُبي على گلبك ياحُبي سليته ............. سحبته
وإنته جسمي من فرگاك سليته ............ مرضته
تدري شجاوبني گلبي من سليته .............. سألته
يگلي أحبه وفرگا تعني المنيه
زماني ابعدني عن ولفي وربعــــي
خلصت اوياه باقي اوياي ربعــــــي
اكعدي وياي يادنياي ربعـــــي
اخبرج انه وش سويتي بيـــــه
يـحلو الاطبـاع واصلني وقارب
ماعندي اهل غيرك واقـارب
سفينه بالبـحر ردتك وقـارب
تشيل الحمل من يثگل عليـــه
صب دمعي على الوجنات يا هل
وما تدرون بيه شصـــــار يا اهل
صرت عصفور جني بيـد ياهل
أهـو يــلعب وانــا شــــلون بيه
اف من زماني اه منه
على اللي عشرتي وياه منه
اكله الدرب هذا يكول منا
اكله فوت بيه ميرد عليه
كحل بالعـــين أحـــــــــبابي يحطون
ويا حربه مسننة بجبدي يحطون
يا ليت أهلك بجــــنب أهلي يحطون
نـــنام أثـنـيـــنه ونلتــــــــــف سويه
ترف يل صورك ربـك من العين
اخاف عليك من تمشي من العين
اني مجبور يا حــــبي من العن
ابوك الخلفك للناس اذيــــه
اني بجفي وتد للناس دگيت
ولا دگت نذل بالناس دگيت
بعدني ما طحت وانت طبول دگيت
شـــــــد وصله اذا طحت وارگص عليه
ديره وصفت بس للعفن والغاز
وحجيهم كله حزورات والغـــاز
رمونه بين ضيم النفط والغــاز
وغياب الكهرباء أكبر أذيـــــه
يا بعد أهلي وگرايبنه وناسي
چذب من گال ساليكم وناسي
صرت دوباره من بعدك وأنا سي
ربطت الدومنه وماتت بديه
غيابك خلخل اعضامي وهدهن
وجر حسرات ببعادك وهدهـــن
الي دمعات لو ابجي وهدهــــن
تفيض صلاح الدين والموصل سويه
-=-لا تتخيّـل كل النــاس ملائكهــــ -=--=- فتنهار احلامكـــ -=- -=- ولاتجعل ثقتك بهم عميـــاء -=--=- لأنك ستبكي يومـــا على سذاجتكـــ -=-
أنا انثى لا اتقاسم الأشياء مع احد
أما يكون لي وحدي او اتركه خلفي.....