غصن طولك

تذكير بمساهمة فاتح الموضوع :

غصن طولك امحمل ارقه حمضيات
ابكاع الجنه غصنك مرتبط جذره
عصرت ايدك بدي عالكاع طال اهلال
يطيح ابسع كمر زندك اذاعصره
يتمشه الربيع اوياك وين اتروح
الربيع اوياك صدك كضه كل عمره
من الشجره الخريف ايذب ورك عالكاع
تجي انته يرد الورك للشجره
حجيك صح سوالف بس شعر موزون
ولو بالسكته شو جنك شعر تقره
عليك اني اغار بابسط الاشياء
اذا ايدك اليمنه كضت اليسره
وانجن من اشوف الحمره عالشفتين
اتخايلهه جاي اتبوسك الحمره
جمالك ثوره سوه ابعالم العشاك
احله انسان طولك سقطه ابنظره