ابوذيات عراقيه تهزعرش قلب المحبين

ابوذيات للمحبين

على ضيم الهوى ياروح علمي,,,وبيها ارفعت اني اليوم علمي,,,سالتها المستوى وتكول علمي,,,بخامس باء يالتسال عليه
قلبي انت ملكته وانت حر بيه,,,عليل وطبي عندك وانت حر بيه,,,كاس السم اشربه وانتحر بيه,,,ذا غيرك يمس اطراف ادية
باب الدار بجفوفي لحني,,,وحنين النوك ما يوصل لحني,,,وطيت لكن اسهمك لحني,,,بوسط قلبي وطبيبي احتار بية
احبابي الي جنت عايش معاهم,,,ونهاري شماضوى مظلم بلاهم,,,عليه مدري الوكت شنهو بلاهمولاهم اعرفوا بالصار بيه
حبيبي لا تظن انساك ولهه,,,دوه الروحي غرامك صار ولهة,,,الشفة والعين ترد عليك ولها,,,تدعيلك كل صباح وكل مسية
الك ياصاح ماظل مني خاطر,,,احسبه احساب دربك من اخاطر,,,تعال كرب حبيبي مني خاطر,,,تعرف اجنون حبك اسوه بيه
انا بگاروك حبك وانته هزني,,,صرت فرصه بحياتك وانتهزني,,,انه شجره محبتك وانته هزني,,,وخلي الورد يتناثر عليه
عيونك تصيب الگللب بسهام,,,يلي ابد ماشفت بهواك بسهام ,,,انا طير المهاجر بالفضاء بسهام,,,اشوفك وانا تايه بالبريه
تغيب الروح بغيابك واردها,,,كتاب جفاك من عندك وردها,,,روحي بفركتك يذبل وردها,,,شمس انت وتنور الدرب ليه
تلوعنة وشفنه كل حلاوتهم ومرهم,,,والروح تمشي على طوعهم وأمرهم,,,حبيبي دوه لجروحي ومرهم,,,تمنيته يجي ويحن عليه

همت وانسلب عكلي وزاد مرضاي,,,على المر ماشفت شخصة مر ضاي,,,لون بات الترف بحشاي مرضاي,,,لكه اكرب يهل مبعد عليه
بسك لا تضل تشكي بهاماك,,,وتلوم العين وتعضعض بهاماك,,,اخذ طبع النخل وارفع بهاماك,,,واذا بالطين عركك هاي هية
لو ردت الحبيب اتشوفه ينشاف,,,وطيبلك جرح بضماده ينشاف,,,اخبرك بل حبيب اشلون ينشاف,,,بس ضيف الاميل وهاي هيه
سماح اطلب انا المنكم وهدنه,,,كمش بيد التعورنه وهدنه,,,جبل راكع خجل جيتك وهدنه,,,اصير اتراب ونته اسحك عليه
وحك رمضان وأشرافه وكتبه,,,عليك يهل دمع عيني وكتبه,,,انه شماريد أهم خطك واكتبه,,,شدهني جفاك من غصبن عليه
وحگ اعيونك ورسمك وداعك,,,وحگ جلماتك الحلوه وداعك,,,يصاحب فرهد ابروحي وداعك,,,انتلف ثلثين والباقي باذيه
تلوج الروح ياأحبابي وراكم,,,وعجاج الضعن سد عيني وراكم,,,يدمرني الحلم بيكم وراكم,,,ويريت الحلم واليقضه سويه
وسط گلبي يظل طابع وسمهه,,,عسل صافي حلو مرهاوسمهه,,,صفيت متيه باسمي وسمهه,,,لان هيه النجم واني الثريه
الدنيا خلافك وحشه ومره,,,ولا منك بعد جيه ومره,,,صورك مره اضمنها ومره,,,اشوفنها توج نيران بيه

[ندعوك للتسجيل في المنتدى أو التعريف بنفسك لمعاينة هذا الرابط]

يسلمووهنودة دائما متالقة ومتميزة تحياتي

يسلموووووو هنودة تحياتي الج حبي

واونرمين شنوهلحجي بحقي يسلموووعمري انتي المميزه حبي كلج ذوق ورقه حبي مرسي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[u]يسلموو هنوده عاشت الايادي
تحياتي الج ورده

[ندعوك للتسجيل في المنتدى أو التعريف بنفسك لمعاينة هذا الرابط]

شلون أوصفكـ وأنت دوختـ ألصفات هاي صعبه شلونـ تطلب هايه
بس أكلكـ من تعبـ ربكـ عليك شعجب ربكـ ماكتب ألك أيــــــــــه

[ندعوك للتسجيل في المنتدى أو التعريف بنفسك لمعاينة هذا الرابط]

أنتظرووو توقيعي الصيفي سميته (قنبلة هورشيماا) ..... جاري ألعمل %