عرض مسلسل غصب عنج (ج 1)

تذكير بمساهمة فاتح الموضوع :

ان شالله ابتداء المسلسل الكوميدي
واتمنى ينال اعجابكم ورضاكم
وتستمتعون معانا

واكيد كل الاعضاء تنبهو انو الردود
تكون مو هنا بموضوع الردود
للمسلسل

ومع العرض
لكم مني اجمل واحلى التحايا

مـــــــــــي

تبيه:يجب الألتزام بلوقت المحدد للعرض وهو مدة اسبوع من بداية عرض المسلسل مع تحيات ادارة المنتدا

عرض مسلسل غصب عنج (ج 1) - صفحة 3 C8cb7161016ec6277e791ecfc2dbd7c8

أين تتسكع السعادة .!!

جا هسه نزل مااااي على صدري.. عمن زرعات نسيمه وحلاله نص راحن هيج بالشط
جا انه جكيره وبعد يا نسيموووو بعد ما شفتي شي...
ان ما سودتنتج وخليت ب.............. تعنس وتكعد كبالج العمر كيله
وبعد الدختور حسابه ثكل وياي خلن بس اروحن واعاود من بغداد
اشوفه نجيمات الضهر الي حبوبته ما شايفته جا هوه الي جابه لنفسه
واشوفن شون ضويهي وليدي ينرد وما تغبل بيي هاي ام خشيم اليابس
انه الهم كلهم

اي
جا وانه بقداد اصفنلي صفينه
بلاكت اعمي بيه نسيموووو...
واسودن وريده...
واشلن الدختور...
اي... وانت يا سريحان
بعد عوزك صفينه لوحيدك
جا الا اجلطك بيه جلط
بسيطه انه الكم كلاياتكم

..............

أين تتسكع السعادة .!!

اي يمة اوريدة....ولج المصايب تنزل على روسنة مثل المطر
شفتي هاذ ابو خشم ضويهي شعامل شمسوي....يبووووو
ولج داير بالسلف يكول نهيت على بت عمي اوريدة ولي يكربلهة اموتنة
شلون بينة ربي..؟؟؟
ربيييي ينتقم منك انت وامك يا ضويهي ..واشوفنكم اخس الناس
وينك سرحااان تعال شوف ابنك شمسوي واشعامل.....
هاي كلهة من تدابير السعلوة ام ضويهي..من خفت اشكولهة هي وابنهة الي جنة منغولي
ان شالله ماترد من الولاية غير ابتابوووت...امين ياربي
ما ادري شلون جنت افكرن من جنت رايدته ياخذج
جا شمالني اسودنت انة.....
يمه اوريدة انة رايحة لعمج خلي اسويلنة جارة بالمصايب بعد ما اسكتن انة ...ااااي
(اي يمة اوديله الهوية مال النفوس علمود الزواج اليوم.....هو انة شنو مهون علي المصايب غير راح اعرس)

وينهة وردة وينج لج
وين رحتي
_________________
حوار مع النفس
يمكن خاتلة بغرفتهة
جنهة بزونة خانسة
__________________

تعاي ولج تعاااااااااااااااااااي شكاعد اكولن انة
باعي لج شعدج وية هذة
الدختور طلعتي تحبي
ولج وانة اكولن ليش ماتغبل بية
وحسيت اكو نقص بية
حتة ريح شتريت
وهم ما رضيتي بية
جا طلعتي تحبين واحد غيري انة
والله يا وردة اسمعي انتي وامج ام عطوب هاي الطحشة
غصب عنج انتي الي الي وبس
غصب عنج
عرفتي لو لالة
واني اليوم رحت لكل السلف
وكل الرياجيل
ونهيت عليج كدام الوادم
كتلهة غصب عنهة هية ترضة بية
عرفتي لو لا
يلااااااااااااااا
رايح انة

عرض مسلسل غصب عنج (ج 1) - صفحة 3 CY04G-1ofV_93567570

ابو ضاهي....
وينك يارجاااال
جا راح اضلن اصيحن عليك وانت ماترد...
هلا والله ابو ضويهي... جا ضويهي وينه هالصخل
هاااا اي زين مولي ما اريدن اشوفنهة
اكلك انة جبتلك الهوية مال النفوس...علمود الليلة العرس وانت تحتاجلهة
اكللك بس اكو شغيلة انة ماكتلك عليهة...والله مستحية منك...
جااا مو انة غيرت اسمي بالهوية مال النفوس ومحد يدري....اي خايب
هاي انة رحت اجددهة..وشافني الموظف مال النفوس كالي انت شكد حلوة
تشبهين المغنية اليسة ...اي وكالي خلي اغير اسمج واكتبة بالهوية اليسسسة
اي.......هههههه يا سرحاااان هاك هاي الهوية مال النفوس

والليلة موعدنة يا بعد رويحتي....الا اغنيلك اغنية اليسة عبالي يا سرحان عبالي
ههههههههه

اهلا اهلا عمي ابو ضاهي
خيرك عمي ابو ضاهي
اهااااا الحمد لله كول عمي
عمي انا ااااانا
اي احبه اموت عليه
والله والله
بس جنت خايف من هذا الاجلح الاملح ضويهي
ما يعرف بس التفكه و الصخول مالته
اي اي عمي موافقين
عمي بالسر!!!!!!!! اها الله كريم
انا هم حكول الاهلي والله كريم
الله وياك محروس هلا بعمي حللت اهلا ونزلت سهلا
حوار مع النفس
ايييييييييييييييييييييييي اخيرا اخيرا حلتقي ويه ورده الله
هيج ورده حصير اليه يابا بس اصير اليه اسكيه مي عيني
يابا ابو ضويهي شكد حبيتك تدري ردت اشبكك بس
من ريحه الصخول الي بيك ما كدرت يلا بلكي ببيوم زواجك اتخلي عطر
حتى اشبعك بوسات

حوار مع نفس
هسه هاي شلون مشكله مال اضويهي
هو اليوم رايح السلف وناهي على بنت عمه
اووووووووووووووف منك ابو عيون العمص
هيه وكتهه ما يحجي الاء بيوم عرسي
لا وحظ من حظي من هاي البزره

*******************
ولك ضويهي اليوم انته شمسوي بلسلف
اها ولك صاير زلمه وبكيفك تحجي شنو ما لك رداد
تعال اكعد يمي خلي ادكشن بيك هذا العكال
ما طول امك مو اهناه
حيل حيل حيل حيل
اليوم ما طلع من البيت سمعت ولك
اني رايح البستان انطر الماي ويمكن ابات
خوش ولك اني رايح
******************
ام ورده وين صرتي يا بعد كلبي
اكعدي يمي خلي سولف وحيدنا ونسامر اني وياج
اه هاي اول ليله احس بيها اني فرحان حيل
اليوم الكمر كاعد يمي يمه فدوه الهاي الضحكه
رحمه المج لا ذكريني بيهه جكيره هيه تعرف تضحك
جنهه بلــــــــوكه والهه اثين عيون ام وجه العســــــــم
شنو انام اني كل يوم انام بعد صلات العشه
بس اوياج ابقى الفجر يا عمري وام بيتي
اني تلش تلش فرحان احس روحي طاير
اي والله كشف الوكت وصار الفجر
وين ماشيه اها اجيبين اريوك
كلشي لا تخلين بصينيه بس خبز
وانتي الكيمر يا بعد جلاويي وكلبي
اني اروح و المغرب اجي خوش
****************
حوار مع نفس
اووووووف منج جكيره مسودتني
الوادم تريك كيمر هيه تاكل باجه من صبح
والقسمه عساج لا رديتي

أحزان قلبي لا تزول.....حتى أبشر بالقبول

وأرى كتابي باليمين.....وتقر عيني بالرسول

عرض مسلسل غصب عنج (ج 1) - صفحة 3 L9tu7fqesqkf

بس اريد اعرف ابوية وين
يولي هليام جا انة صرت بخير

________________________________
حوار مع النفس

بس هوة راح بوصخة
وريحتة كلهة مال صخول
مو مال نسيمة بهليل
اي مو مال نسيمة
هوة اني ابنة وكرهتة على هاي الريحة
جنة فار ميت صارلة سنة

ها بوية انة توني جنت
اسولف وية نفسي بيك
شو مادري شبيك هليام
شو جنك دايخ ابمعاملة عويصة

ها ها ها يمعود جا شمالك تصيح
شبيك مو راحت امي طلع السانك علية
لو بيك خير جان ضبيت امي
بحجاية وحدة اجيبك وترجعك
عبالك الضابط مالتك
وتركض مثل المسودن خلتك
اوووف يا يمة اشتاقيتلج
وين تريد تروح تعال سويلي اكل
تعاااااااااااااال روح
رووووووووح عضك جلب ماملقح انشاء الله
حتة ما نلكالك علاج
وتضل مكرم طول عمرك

حوار مع النفس

اليوم انه مضايجة عمن ماشفت ضويهي
طك كلي علي بعد روحي ابو صوت الحلو فدوة الخشمة

_________________________________

ياااا ياا خالة ام ضويهي العزيز خيه شمسوية بزرعات المرة
جــا شيكولون الناس عيب هيج
بس والله عاشت ايدج خوش سوايه برتي كلبي

_________________________________

حوار مع النفس

يـــمه يـــمه ماتكعد راحة جكيرة
مصيبة بلوة طركاعة
جاااا هاي من تاخذني لبنهة شسوي بيه يمكن تنومني بلا عشة
يـــمه وهو ابو الخشم الحلو يخاف منهة
وماياخذلي حكي

_____________________________

يــــــمه يمه سودة بوجهي خية ام اوريدة العزيزة
جـــا شمسوية جكيرة بزرعاتج كاضيتهن كضيان
خية انه من شفتهن متت غهر وكلت يااا هاي شمالهة المرة تسودنت
وسوت هيج بالزرعات
هنة مال يتامة مال اوريدة بعد كلبي هسة شحالهة مريضة مو خيه
خلي اروحن اشوفن اوريدة

___________________________________________
حوار مع النفس

يماااااااااااي برد برد برد كلبي شفتهة تذغب ثغب
ام الرجولة بس تريد اتعرس
ماتكعد راحة المدكدكة ام العطوب

______________________________________

هلا هلا يمه اوريدة صديجتي بعد كلبي
يــــــــــااااا جا انتي شملج تضحجين
مو زرعاتكم راحن
هااااااااااااااا حتة امج ماتنطيج لضويهي
بووووووياي خايبة انت لوتية (جــاااا عليمن اطلعين غير على امج ام العطوب )
اكلج انه اروحن اسلم عليج
________________________________________
حوار مع النفس

بس تتمضــحج
جنهة واوي بـــت ام الــعطوب ام الـــرجــولة

ورررردة.........
صبحج الله بالخير يمه
الله يبارك بيج يمه ان شالله افرح بيج ولج يمة
اي عمج حجالي كلشي عن الدختور
وشلون هوة متفق وياه على العرس بالسر
ولج يمة ترحين لبقداد وتخليني ابحيدتي هنا...اهئ اهئ
يابعد عمري ولج يمه اوريدة
اي يمة وردة ما بقى شي لا تخافين الدختور يحبج ومايكدر اعوفج
يلا يمة تعاااي تنريك انة وياج عمج حطيتلة الريوك اكله كلياته ما خلاني اكل
جنة ماشايف ريوك قبل
ااااي....الله يستر منه هالسعلوة راح ترد وانة ااروينهة منهي نسسسسيمة
يلا يمة...

جا بقداد دوختني شحلاته
وانوب اهله حلوين هيج ويلمعون جا بعد ريحتهم طيبه اي اهل بقداد بعد
جا وانت خوي شمالك عويناتك طلعن متر ليجدام جنك بومه خايب شيكولون علينه ما شايفين
انت غير ما تعلم جا النسوان هنا مصطنعات والعباس انه لو اسوي مثلهن اصيرن كمر
كبر شمالك تضحك وانت جنك كربه وطالعه من التنور بربك شوف ذاك الزلمه شايل وليده ومريته تتحمر
غسل الغسله وانوب ما يعرف ايشيل يبو ابنه حيطيح

خايب كضه لا يطيح
يااااع شوف البت ايده بيد الولد خايب شمالهم ما يستحون وانوب نسوان بقداد لابسات عالنص
اي حقهن الهديمات عدهم غاليه ما يكدرن يشترن كامل خايب لو بيدي اكضهن كلهن ومن شعرهن
واهد عليهن جليبات السلف تمرعدهن تمرعد

وغسل شمالك تتمضحك يااااع انوبه انه كلبي طك على ظويهي ما يتحصل بهالتلفون يمه سوده
بوجهي تاكل تشرب يبعد بيتي بس اعاود اسويلك مسموطه
وخبز حار جا انه جم ظويهي عندي

وما اعرف ليش كلبي يلعب من الشفيه سريحان

شنهي ضحكتني وانه ما هو طويب
سريحان فغير خايب اسكت اسكت
وانت جنك عتوي طالع بالضلمه

ديله ديله انفوتن بهذا المطيعم ناجلنه لكمه حتى نكمل التحاليل ونعاود لهلنه

امشينه وبسك تباوع على خلك الله
هاي وعندك مره بسلف
هههه وشون مره جنه عجس
ومضروب بجيله

أين تتسكع السعادة .!!

الووووو يمه شونج شخبارج
مشتاقلج يمه يمه اريد افرحج بخبر حلو
اني حزوج بنيه واي بنيه تخبل يمه وما اكدر اجي لبغداد هسه مكن ازوجه واجيبه واجي زين يمه ليبقى بالج يمي
وبشري الفلوس وصلتج اي خوش

خلي اخابر وردايتي

الوووو وردايه شونج حبيبتي احبج مووووت اسمعيني اني انطيت خبر لوالدتي وهاهيه بس بقى والدتج توافق
حتى نزوج اي اي اسكتي هوه لوما ابو ظاهي جان مكدرت اخطي هاي الخطوه وبهالشكل السريع
لا لا لتخافين من ظاهي اكسر رجله بعد اذا وصلج وروحي تروحلج فدوه عيوني انتي
اصلا هذا ظاهي جنه عبوه ومعبايه هواا كلشي ميفتهم راسه من رجله ميندل يابه خلي يطير
هااا شنووووو الله اول مره تكوليلي احبك وانوبه حلوه منج احبنك اموت على لهجتج
وعلى عيونج الحلوات لو تدرين اكل انام افحص المرضى واني افكر بيج
يمعوده انتي اسويتيلي

سحر

حتى لو مسويتلي سحر اني محظوظ
لان ححل على احلى وحده بالدنيا

ولج يا بنات بغداد يا بنات لبنان والله انتي
تكسرين حتى على الاتراك من لميس
وانتي نازله

اي اي اخويه تفضل

اني اتصل بيك عبيس من اكمل فحص

احبنك

وحيل احبنك

جا خايب انت هيج تحجي انه ما اعرفن احجي مثلك وانه اموتن عليك من تتغزل بيه
اي

اي
عيني سالم
اني شايله همك اخافن عليك

حتى من الهواااااا اخافن عليك

شنهووووو يا عبيس

اهااااا اي اي

جا هنيالله الي مكابلك هسه

الله وياك يبعد روحي

______________________

اي اي يمه جا انه اليوم هلكت بالزرع كيله سويته لوحيدي وانوب عجنت وانتي
نايمه جا انتي صدج عرستي بس مو تعوفين حلالنه وزريعاتنه وانوب
مرت عمي حتعاود والله ليستر منها ولا تنسين يمه حاجي عمي سرحان بموضوعي
جني مو بالج التهيتي بروحج ونسيتي بنيتج وريده

الله الله المن هذا الريوك اهااااا

لعمي سرحان
اي عمي انيالك عمي سرحان بعد منو بكدك وانوبه انت هاكبرك وانوبه
نسوان اثنين يزقن بيك خايب شصير هرقل اي وروح ابوي اصير هرقل

_______________________

تعالي تعالي اموله تعالي بغريفتي
فوتي جا ماعدنه احد
تعالي كوليلي ظويهي الخبل شيسولف
عليه بسلف
ولج خايبه انتي غبره ما تعرفين تجيبي عليج
كل شويه وازقي بالاكل تكول عبالك عدها جاموس وتعبي بحلكه
خايبه من تخابري كوليله احبنك اموتن عليك
جا تحركي شويه موتيني

حوار مع النفس
____________

الحلو انتي ويا متوالمين صدج لو كالو الجدرولكه القبيغ مالته
انتي جكمه وهوه اجكم

يبوووو عليكم

خو مو مثلي انه وسالم

يمه نخبل عبالك بلابل

اموتن عليك سالم

يمه ظويهي شونك يمه

تعال احبنك يمه يبعد روحي

شونك يمه جا الدنيا ما تسوه بفركاك يمه بس ريحتك اشمنه تسوه الدنيا واهله
يمه شو مالك خلك خو ما وراي ضجيت

يمه يمه سوده بجهي اروحلك فدوه وارجع عالبعير هاااا بلاكت الب......... يمشي بالكوه
هاااا ارجع عالمطي عمن اسرع تعال يم امك وسولفلي عالسلف واحد واحد والهم ابيك الشفيه

شفته من بعيد هيج يسلم عليه من بعيد تكول هايشه ومرت من يه صخونه لكرفته
جا وجه ابوك متفح شنهي جنه متهني هيججججج

انه ماعرف ليش كليبي يلعب

يمه كول احجي
لا تخاف
اي

اي

يا يمه

ولك سريحااااااااااااااااااان

وينه هذا اختفى

سريحاااااان

جا انه صارلي شكد ادورن عليك اي اي
هسه اذكرت سلم عليه
يله كولي وين بتت اول امس
هاااااا شنهي نسيت جا غير يحجي موتني

هااااا يم الغنمات ليش الغنمات حلمانات حلم يخوف وانت جاعد تطبطبلهن
شوف سريحان ان ما كتلي وين بتت ما اشوف اله واحرك السلف كله على راسك

خايب خاف عبالك انه اغارن عليك جا انه لو علمود جا طبك طوب
ما يهمني بيك عمن انه علمود الوادم
شتكول عليه عوجه عمشه وزلمته يروح
لغيره

وهسه ما تقبل تحجي جا خوششششش

اني هم اروحن وابيعن بطيطاتك كله وهسع وفلوسهن كيله الي

ان ما ضيعت عليك تعب سنه كامله يا سريحاااان
ان ما اسمى جكيره

وهاي ام اعطيبات اروحن عليه واصحيه على زمانه

انه اله

_______________

ام وريده

وينج عايني زين كرصه حلالج وزريعاتج هيج هاي كرصه خفيفه
والعباس ان سمعت بيج محاجيه سرحان لو مسلمه عليه من بعيد
اترحمي على روحج
ومن عابت هالعيون جنه
عيون تمساح

واسمعي هاي بنيتج ان شفته طالعه من البيت عمن حتى لو
للزرع احش رجله حش

____________________

غسل الغسلكم كلياتكم

أين تتسكع السعادة .!!

انتضرونا مع الجزء الثاني

من مسلسل غصب عنج

مع احداث جديده ومشوقه

تحيااااتي

مـــــــــــــــــــــــي

أين تتسكع السعادة .!!