الزمن
هي
... ها .. شتريد ..؟
لا أرجوك .. لا تحرجني لا أرجوك ..
لا أرجوك .. لا تسألني لا أرجوك ..
ومنين ابتدي لو ردت احچي وياك ..
اشتريتك بالعمر .. وتروح للباعوك ..
هو ...
حياتي وآني اعرف كل درب امشيه ..
وآنه ارسم طريقي اشلون ما رايد ..
علمني الزمن صاحب الامشي وياه ..
ما بيعه ابثمن .. لو بدلّه بواحد ..
مو حلوه العناد بين محبوبين ..
قاسي ايصير بيهم ياهو اليعاند ..
تدرين آنه احبچ بس غلطتي وياچ ..
صاير حبي الچ أزيد من الزايد ..
هي ....
غلطتك من تحبني ..
وتحچي هسه اوياي ..؟!!
يا حب شفته منك ..
بي ت.........ني ..
تحملت العذاب ..
وما كلتلك يوم ..
واشكال الهموم اللي تعذبني ..
لسه اجروح غيرتك ..
ما شفت لساع ..
وجاي اتريد هسه انوب تجرحني ..
هو ....
مشكورة ابشعورچ والحچي الگلتيه ..
بَيّن كلشي هسه وصدگت اظنوني ..
ياما اشگد سهرت وعاندت الايام ..
وبحبچ جميع الناس لامونـــي ..
اشكد مسكين آنه وصدگت الدمــوع ..
وچذبتي انتي همي ودمعــة اعيوني ..
ما اعتب عليچ العتب ويه الـروح ..
اشو الاعتب عليهـم هُمَ باعوني ..
هي ....
ما بعتك أنه ..
وتعرفني كلش زين ..
لو اريد آنه ابيعك .. بعتك من اول ..
تحملت الحچي ..
اليوصلني من الناس ..
وبرغم الكلام ..
وگلبي متبدل ..
ماظن تلگه مثلي ..
وشوف هاي الناس ..
ياهو العله اطباعك ..
مثلي يتحمل ..
بس حظوظ هيه ..
وما اجت وياك ..
ادليك الدرب ..
وتگلي ما اندل ..
تحياتي مصطفى الجبوري